Air Astana әуе компаниясының Airbus A321 ұшағы Тбилиси – Алматы бағытымен ұшып бара жатып, Бакудегі Гейдар Алиев атындағы халықаралық әуежайға шұғыл қонуға мәжбүр болды, деп хабарлайды aqshamnews.kz.
Қонудың себебі — ұшақтағы жолаушының денсаулығының күрт нашарлауы болды.
Ұшақ 00:25-те сәтті қонып, жолаушыға дереу медициналық көмек көрсетілді. Оны шұғыл түрде ауруханаға жеткізді. Рейстің кешігуіне байланысты жолаушылар уақытша қонақүйге орналастырылды.
Әуежай жұмысын қалыпты режимде жалғастыруда, ешқандай басқа кедергілер жоқ.