Air Astana әуе компаниясы 4 қаңтар күні Астанадағы ауа райының қолайсыздығына байланысты рейстердің кешігуі мен ұшу кестесіндегі өзгерістер әлі де жалғасып жатқанын мәлімдеді, деп хабарлайды aqshamnews.kz.
Әуе компаниясы Алматыдан және басқа қалалардан ұшатын жолаушыларға әуежайға шығар алдында рейс мәртебесін алдын ала тексеруге кеңес берді.
Бұған дейін Air Astana 3 қаңтардан 4 қаңтарға қараған түні Алматыдан ұшатын Airbus A320neo үлгісіндегі ұшақтарға қатысты рейстердің кешігетіні жөнінде хабарлаған болатын. Компания мұны Астанадағы ауа райына байланысты енгізілген ұшу шектеулерімен түсіндірді. Атап айтқанда, тұман түсіп, көріну қашықтығының төмендеуі жағдайды күрделендірген.
Air Astana ұшу кестесін қалпына келтіру үшін қажетті шаралар қабылданып жатқанын айтып, соның ішінде FlyArystan әуе компаниясынан қосымша резервтік ұшақ тартылғанын жеткізді.