Жигули Дайрабаев Алматыдағы жас мамандармен аграрлық секторды дамыту мәселелерін талқылады.
Президенттікке кандидат Қазақ ұлттық аграрлық зерттеу университетінің студенттерімен, оқытушыларымен және қызметкерлерімен кездесті.
Кандидат әлемнің жетекші аграрлық державаларының тәжірибесі Ауыл шаруашылығын табысты дамыту тек ғылым, білім, өндірістің интеграциясы негізінде ғана мүмкін екенін көрсетіп отырғанын атап өтті. Оның айтуынша, біздің фермерлер инновациялық технологияларды, жаңа жоғары өнімді сорттарды, жоғары өнімді тұқымдарды тезірек енгізген жағдайда ғана Қазақстан азық-түлік қауіпсіздігін қамтамасыз ете алады.
- Өкінішке орай, ғылыми-зерттеу қызметінің сапалы нәтижелері аграрлық өндіріске жетпейді. Іске асыру жүйесі жұмыс істемейді. Коммерцияландыру және трансферт орталықтарын, фермерлерге жаңа технологиялар, жаңа сорттар мен тұқымдар туралы білім беру орталықтарын құруға ерекше назар аудара отырып, ғылымның ұйымдық құрылымын өзгерту қажет. Нақты жұмыс істейтін ғалымдар лайықты еңбекақы алуы үшін аграрлық ғылымды қаржыландыру схемасын өзгерту қажет, – дейді Жигули Дайрабаев.
Ол сондай-ақ ғылыми зерттеулерді қаржыландыратын агроқұрылымдарды ынталандыру мәселелері бойынша заңнамадағы өзгерістерді қисынды соңына дейін жеткізу қажеттігін атап өтті.
Кездесу барысында кандидат ғылыми-зерттеу институттарын қаржыландыру кешенді және жүйелі болуы тиіс екенін айта келіп, елдегі ғылыми қызметтің дамуына барынша күш салуға ниетті екендігіне сендірді.
Естеріңізге сала кетейік, сайлау науқаны 21 қазанда басталып, сайлауға бір күн қалғанда, яғни, 19 қарашада аяқталады. Бұл күн республика бойынша тыныштық күні болады. Президент сайлауы 20 қарашада өтеді.