АЭС салуды қолдау жөніндегі Халық штабы облыстық Көпсалалы балалар ауруханасының алаңында өңірдегі медицина саласының қызметкерлерімен кездесу өткізді.
Кездесу барысында көмір электр станцияларымен салыстырғанда атом электр станцияларының зиянды шығарындыларының әлдеқайда аз екендігі айтылды, бұл экологиялық жағдайды жақсартуға оң ықпал етеді. Шығарындылардың аз болуы ауаның ластануына байланысты аурулар санының азаюына септігін тигізеді.
Қазіргі заманғы ядролық технологиялар медицина саласында диагностикалау және емдеу мақсатында бұрыннан қолданылып келеді. Сонымен қатар, атом электр станцияларының радиациялық сәулесі әдеттегі флюорографияға немесе ұшақта отырып ұзақ ұшуға қарағанда әлдеқайда аз екендігі атап өтілді.
"Барлық медициналық аппаратураның, КТ, МРТ-ның жұмысы тұрақты электр қуатымен жабдықтау мәселесімен тығыз байланысты. Біз АЭС қажеттілігіне 100% сенімдіміз. Атом энергетикасы адамның бүкіл өмірінде радиоактивті сәулеге ұшырауының тек 0,1%-ын құрайды", – деді жедел қызмет зертханасының аға медбикесі Ксения Герасимова.
Бұл кездесу атом энергетикасының экология мен денсаулық сақтау саласындағы маңыздылығын көрсетіп, медициналық қызметкерлердің АЭС-ты қолдауына үлкен әсер етті.