Мемлекеттік кеңесші Ерлан Қарин белгілі мәдениет және өнер қайраткерлеріне мәдениет саласындағы мемлекеттік стипендияны табыс етті, деп хабарлайды aqshamnews.kz.
Мемлекеттік стипендия әдебиет пен өнер саласындағы 75 адамға берілді. Олардың қатарында Асанәлі Әшімов, Ілия Жақанов, Бибігүл Төлегенова, Нұрғали Нүсіпжан, Меруерт Өтекешова, Дулат Исабеков, Төлен Әбдік, Юрий Аравин, Сержан Шәкірат, Амандос Ақанаев, Татьяна Тарская, Гүлвер Разиева секілді әдебиет пен өнер майталмандары бар. Сонымен қатар Канн халықаралық фестивалінің лауреаты Самал Есләмоваға, балерина Татьяна Тенге, опера солисі Мақсат Саматовқа және өзге де жас дарындарға мемлекеттік қолдау көрсетілді.