Абай облысында тәулігіне бірнеше жол-көлік оқиғасы тіркеліп, төрт адам көз жұмды, деп хабарлайды Aqshamnews.kz тілшісі өңірлік Полиция департаментінің баспасөз қызметіне сілтеме жасап.
Ведомство мәліметінше, қайғылы жағдайлар 3 қазан күні Омбы–Майқапшағай трассасында болған.
Апаттардың басты себебі – жол қозғалысы ережелерін өрескел бұзу: қарсы бағытқа шығу және тұтас сызық түсірілген жерде бұрылу әрекеттері.
Салдарынан төрт адамның өмірі қиылды.
Абай облысының полиция департаменті көлік жүргізушілеріне арнайы үндеу жолдады:
«Рөлге отырғанда барынша мұқият әрі жауапты болыңыздар. Себебі үйде сіздерді жақындарыңыз күтіп отыр», деп ескертті ведомство.
