Елімізде көктемгі су тасқыны кезінде болған жағдайдан кейін алпыс мыңнан астам адам үйлеріне оралды, деп хабарлайды аlmaty-akshamy.kz.
Су тасқыны жағдайына қатысты бүгінде Республика бойынша 61 348 адам өз үйлеріне оралды. 5 456 адам эвакуациялау пункттерінде тұрып жатыр.
11 319 тұрғын үй мен 3 593 аула аумағынан су бұрылып, сорылды. 22 млн астам текше метр еріген қар суы сорып шығарылды, 7,9 млн қапшық және 1,5 млн астам тонна инертті материал төселді, - деп жазылған ТЖМ таратқан ақпаратта.