Қазақстан Ұлттық банкі 5000 және 10 000 теңгелік ескі банкноттарды екі жыл ішінде біртіндеп айналымнан шығаратынын айтты, деп хабарлайды aqshamnews.kz.
Ұлттық банк төрағасы Тимур Сүлейменовтың айтуынша, ескі купюралар осы кезеңде жаңа банкноттармен қатар қолданыста болады. Оларды шұғыл ауыстырудың қажеті жоқ, өйткені ескі банкноттар толықтай жойылғанға дейін ешқандай шектеусіз қабылданады. Қазақстандықтар ескі банкноттарды бұрынғысынша пайдалана алады немесе оларды банктерде жаңа банкноттарға ауыстыруға болады.