Ал Қазақстанға Қытай мен Түркиядан көшіп келетіндер саны артты.
2024 жылдың бірінші жартысында аспан асты елінен 1173 адам көшіп келген, деп хабарлайды aqshamnews.kz
Түркиядан 248 азамат Қазақстанға кеп тұрақтаған. Жалпы 5 мыңға жуық адам Өзбекстан, Ресей, Моңғолия және Түркіменстан елдерінен ауған. Бұл өткен жылмен салыстырғанда 4 пайызға көп. Олардың 36% орта білімді. 22% кәсіби мамандар. Қатарда экономист, педагог, дәрігер және ауыл шаруашылығы мамандары бар.
Ал елімізден кететіндер саны 0,6 пайызға кеміген. Былтырға қарағанда 7 мыңға аз. Биыл көбісі яғни 5 мың қазақстандық Ресейге қоныс аударған. Германияға - 973, АҚШ-қа - 191, Польшаға - 180 адам көшкен. Одан өзге Қырғызстан, Өзбекстан, Канадада қоныстанғандары бар. Олардың ішінде 29% орта білімді және 20% кәсіби мамандар. Біздің елден көбіне архитекторлар мен заңгерлер кеткен.