Атырау облысында браконьерлер 38 киікті заңсыз атып тастады.
Қазір тәртіп сақшылары істі тергеп жатыр, деп хабарлайды Almaty-akshamy.kz 24.kz-ке сілтеме жасап.
Бұл туралы Орман шаруашылығы және жануарлар дүниесі комитеті хабарлады.
Бұған дейін облыстық мәслихат депутаты Бақыт Каметов өзінің Facebook парақшасында «белгісіз топ буаз киіктерді атып, ішек-қарнын далаға шашып кетті» деп жариялаған еді. Айта кетейік, өңірде жануарлардың санын реттеу 16 қаңтарда басталған. Бірақ бұл іс аранайы инспектордың бақылауымен жүргізілуі керек. Киік еті комбинатқа жіберіліп, мүйізі бөлініп, таңбалануы шарт.