Кей өңірлерде тұман болып, жел күшейеді.
«Қазгидромет» мамандары жұма күні ауа райы қандай болатынын айтты, деп хабарлайды Almaty-akshamy.kz.
«Қазақстанның басым бөлігі антициклонның ықпалында болады, сондықтан жауын-шашынсыз ауа райы күтіледі, тек республиканың оңтүстік-батысы мен солтүстігінде атмосфералық фронттар қар, жаяу бұрқасын, оңтүстік-батыста жаңбыр және қар түріндегі жауын-шашын мен көктайғақтың болуына әсерін тигізеді. Республика бойынша кей жерлерде тұман, желдің күшеюі күтіледі», - делінген синоптиктердің хабарламасында.
Солтүстік Қазақстан облысының түнде оңтүстігінде, шығысында, күндіз басым бөлігінде жел 15-20 м/с күшейеді, түнде облыстың шығысында жаяу бұрқасын, облыстың оңтүстік-батысында тұман болжанады. Ақмола облысының солтүстігінде, шығысында жаяу бұрқасынмен жел 15-20 м/с күшейеді, облыстың батысында тұман түседі.
Таңертең және күндіз Алматы облысының Жалаңашкөл ауданында жел 15-20 м/с күшейеді. Түркістан облысының оңтүстігінде тұман күтіледі, таулы аудандарында жел 15-20 м/с күшейеді. Батыс Қазақстан облысының солтүстік-шығысында, шығысында тұман күтіледі, күндіз оңтүстігінде жел 15-20 м/с күшейеді. Ақтөбе облысының солтүстік-батысында, орталығында тұман күтіледі, күндіз орталығында жел 15-20 м/с күшейеді.
Жамбыл облысының солтүстігінде, таулы аудандарында тұман, солтүстік-шығысында және таулы аудандарында желдің 15-20 м/с күшеюі күтіледі. Күндіз Маңғыстау облысының батысында көктайғақ күтіледі. Атырау облысының шығысында, Қостанай облысының оңтүстігінде, Қарағанды облысының батысында, шығысында, Қызылорда облысының солтүстігінде тұман күтіледі.