2025 жылы 16 қараша күні Алматыда "Бірінші болу батылдық" корпоративтік қоры ұйымдастырған маусымның соңғы City Run жүгіру жарысы өтеді. Биыл жарысқа 20 елден келген 2 500 адам қатысады.
Ұйымдастыру комитеті қала тұрғындары мен қонақтарын жарыс күні кейбір көшеде көлік қозғалысы уақытша шектелетінін хабарлайды.
16 қараша күні сағат 08:00-ден 10:00-ге дейін жүгіру бағыты өтетін учаскелерде қозғалыс ішінара шектеледі.Қатысушылар жүгіріп өткен жол біртіндеп ашылып отырады. Жарыстың сөресі мен мәресі Астана алаңында орналасады. Осыған байланысты Төле би көшесінде, Назарбаев даңғылынан Абылай хан даңғылына дейінгі аралықта, 2025 жылы 15 қараша сағат 04:00-ден 16 қараша сағат 12:00-ге дейін екі бағыттағы қозғалыс толықтай тоқтатылады. Қозғалыс Төле би көшесінде Абылай хан даңғылынан Наурызбай батыр көшесіне дейін сағат 08:00-ден 10:00-ге дейін толықтай жабылады. Балама бағыт – Мақатаев көшесі, екі бағытта да қозғалыс ашық.
Қозғалыс Наурызбай батыр көшесінде Төле би көшесінен Құрманғазы көшесіне дейін сағат 08:00-ден 10:00-ге дейін толықтай тоқтатылады.
Қозғалыс Бөгенбай батыр көшесінде Наурызбай батыр көшесінен Назарбаев даңғылына дейін сағат 08:00-ден 09:35-ке дейін толықтай тоқтатылады.
Қозғалыс Қабанбай батыр көшесінде Наурызбай батыр көшесінен Назарбаев даңғылына дейін сағат 08:00-ден 09:15-ке дейін толықтай тоқтатылады.
Қозғалыс Шевченко көшесінде Наурызбай батыр көшесінен Назарбаев даңғылына дейін сағат 08:00-ден 08:55-ке дейін толықтай тоқтатылады.
Қозғалыс Құрманғазы көшесінде Наурызбай батыр көшесінен Назарбаев даңғылына дейін сағат 08:00-ден 08:35-ке дейін толықтай тоқтатылады.
Мәлімет жүгіруге қатысушыларының қозғалысын барынша тиімді ұйымдастыру мақсатында енгізілді.
"City Run – 2025" жүгіру жарысына байланысты жолды уақытша жабу кестесі
|
15.11.2025 |
|
|
15 қараша сағат 04:00-ден 16 қараша сағат 12:00-ге дейін |
Төле би көшесі (Назарбаев даңғылынан Абылай хан даңғылына дейін) – қозғалыс толықтай тоқтатылады. |
|
16.11.2025 |
|
|
08:00-ден 10:00-ге дейін |
Төле би көшесі (Абылай хан даңғылынан Наурызбай батыр көшесіне дейін). Балама бағыт – Мақатаев көшесі, екі бағытта да қозғалыс ашық. |
|
08:00-ден 10:00-ге дейін |
Наурызбай батыр көшесі (Төле би көшесінен Құрманғазы көшесіне дейін). |
|
08:00-ден 09:35-ке дейін |
Бөгенбай батыр көшесі (Наурызбай батыр көшесінен Назарбаев даңғылына дейін). |
|
08:00-ден 09:15-ке дейін |
Қабанбай батыр көшесі (Наурызбай батыр көшесінен Назарбаев даңғылына дейін). |
|
08:00-ден 08:55-ке дейін |
Шевченко көшесі (Наурызбай батыр көшесінен Назарбаев даңғылына дейін). |
|
08:00-ден 08:35-ке дейін |
Құрманғазы көшесі (Наурызбай батыр көшесінен Назарбаев даңғылына дейін). |
Жолдың уақытша жабылуын ескере отырып, сөре аймағына дейінгі ең ыңғайлы бағытты 2ГИС қосымшасын көруге болады.
2025 жылы 16 қараша күні Алматыда маусымның қорытынды жарысы – City Run өтеді. Іс-шараны "Бірінші болу батылдық" корпоративтік қоры ұйымдастырады. Жүгіру әуесқойлары үшін екі қашықтық ұсынылады: 10 шақырым жүгіру және 5 шақырым скандинавиялық жүріс. Биыл жарысқа 20 елден келген 2 500 адам қатысады.
Айта кетейік, әлемнің көптеген елінде мұндай жарыстар мегаполистердің орталық көшелерінде өтіп, ерекше мерекелік атмосфера қалыптастырып, тұрғындарды белсенді болуға тартады. Көрермендер көшеге шығып, қолдау сөздер жазылған плакаттар мен жалаулар ұстап, қатысушыларға рух береді. Осындай іс-шаралар бүгінде қалалық мәдениеттің ажырамас бөлігіне айналып келеді.
Қордың іс-шаралары, соның ішінде ең ірісі Almaty Marathon қала экономикасына айтарлықтай серпін береді: салық түсімі артып, спорттық туризм мен жергілікті бизнес дамып келеді. Зерттеу деректеріне сәйкес, марафонның небәрі екі күнінде мыңға жуық қатысушы жалпы сомасы шамамен 8 миллион теңгеге төлем жасайды. Ал серіктес компаниялардың салық аударымы 4 жылда 318,9 миллион теңгеден 873,9 миллион теңгеге дейін өскен. Сондай-ақ, басқа қаладан келген қатысушылардың шамамен 80%-ы Алматыға қайта келуді жоспарлап отырғанын атап өтті.
Жарыстың басталу уақыты:
08:00 – 10 км қашықтыққа жүгірудің басталуы
08:10 – 5 км скандинавиялық жүрістің басталуы