"Қайрат" пен "Реал" матчіне билет сатып алуға 100 мыңға жуық адам кезекте тұр, - деп хабарлайды Аqshamnews.kz тілшісі.
"Қайрат" – "Реал Мадрид" матчіне билет сатылымы 23 қыркүйекте, Алматы уақытымен 17:00-де клубтың ресми сайты және Ticketon платформасында ашылды.
17:00-де сайтта кезекте тұрғандар саны 100 мыңға жетті.
Ал 17:12-де кезектегілердің саны 136 мыңнан асқан.
Айта кетейік, билет бағалары трибуналарға қатысты бөлінді.
Батыс трибуна:
- 30 000 теңге — 1-9 секторлар, 1-2 қатарлар
- 250 000 теңге — 1-17 секторлар (VIP орындар)
Шығыс трибуна:
- 150 000 теңге — 30-48 секторлар
Солтүстік/Оңтүстік (қақпа артындағы трибуналар):
- 75 000 теңге — 18-28 секторлар және 49-60 секторлар
"Қайрат" – "Реал" ойыны 30 қыркүйекте өтеді. Ойын Қазақстан уақыты бойынша сағат 21:45-те басталады.