Өзбекстанда тұратын ең қарт тұрғынның жасы ресми түрде расталды, - деп хабарлайды Aqshamnews.kz.
Әділет министрлігінің дерегінше, Ферғана облысының Бувайда ауданындағы «Қорақұм» махалласында тұратын Хувайдо Умарова (Тошматова) 1895 жылдың 1 қаңтарында дүниеге келген.
Бұл факт Қоқандтағы азаматтық істер жөніндегі ауданаралық соттың көшпелі отырысында анықталған. Тексеру қарт ананың үйінде өтті.
Енді туыстары Хувайдо Умарованың есімін Гиннес рекордтар кітабына енгізу үшін өтініш беруді жоспарлап отыр. Бұған дейін мұндай мүмкіндік болмаған, себебі 1999 жылы берілген төлқұжатында туған күні көрсетілмепті.
Министрлік ресми түрде жастығын растаған соң, 130 жасқа толған Хувайдо Умарованың әлемдегі ең қарт адам ретінде мойындалуына мүмкіндік туды.