1 желтоқсаннан бастап Қазақстан азаматтары, Мәскеудегі халықаралық әуежайларға (Домодедово, Шереметьево, Внуково және Жуковский) және Орта Азия аймағындағы Орынбор облысындағы Маштаково автокөлік өткізу пункті арқылы Ресейге кірген кезде биометриялық деректерін тапсыруы міндетті болады. Бұл кезең 2024 жылғы 1 желтоқсаннан 2026 жылғы 30 маусымға дейін жалғасады. Биометриялық деректерге адамның бет әлпеті мен саусақ іздері кіреді, деп хабарлайды aqshamnews.kz
Екінші кезең 2025 жылдың 30 маусымынан 2026 жылдың 30 маусымына дейін Ресейдің барлық шекаралық өткізу пунктерінде бұл эксперимент кеңейтіледі. Осы кезеңде әрбір шекарадан өтуші шетелдік азаматқа (Қазақстан азаматтары да қосылады) сандық профиль жасалады. Бұл профильді RuID мобильді қосымшасында өз бетімен жасауға болады. RuID қосымшасы басқа мемлекеттердің азаматтарына мемлекеттік қызметтерге қол жеткізу мүмкіндігін ұсынып, олар Ресейдегі сапары туралы ақпарат беріп, түрлі қызметтерді пайдалана алады (мысалы, медициналық сақтандыру рәсімдеу). Сандық профиль Ресейдің мемлекеттік жүйелерімен, оның ішінде мемлекеттік қызметтермен интеграцияланады.
Шекарадан өту кезінде қосымша рәсімдерге дайын болу маңызды.
Бұл тәжірибие келесі адамдарға қолданылмайды:
- Ресейде аккредиттелген дипломатиялық өкілдіктер мен халықаралық ұйымдардың қызметкерлері және олардың отбасы мүшелері;
- Дипломатиялық және қызметтік паспорт иелері;
- 6 жасқа дейінгі балалар.