جەكە تۇلعالار ساتىپ العان تەلەفوندارىن 25 ماۋسىمعا دەيىن تىركەپ ۇلگەرۋى كەرەك، دەپ حابارلايدى aqshamnews.kz
«جاڭا ەنگىزىلگەن ەرەجەلەرگە سايكەس ۆەريفيكاسيادان وتپەگەن ۇيالى تەلەفون سۇر تىزىمگە ەنەدى. تۇلعا 30 كۇننىڭ ىشىندە ءموبيلدى قۇرىلعىنى اق تىزىمگە وتكىزۋى ءتيىس. ەگەر جەكە تۇلعا سمارتفوندى شەتەلدەن السا، ۆەريفيكاسيادان وتكىزۋ ماقساتىندا ول قۇجاتتاردى كورسەتىپ ارەكەتىن راستاۋى كەرەك»، - دەدى تەلەكوممۋنيكاسيالار كوميتەتىنىڭ ءتوراعاسى دامير سەيسەمبەكوۆ.
ايتا كەتەيىك، ەلىمىزدە ساتىلىپ جاتقان ۇيالى تەلەفونداردىڭ 75 پايىزى زاڭسىز جولمەن اكەلىنەدى. سالدارىنان ەل بيۋدجەتى جىلدا 70-80 ملرد تەڭگەدەن قاعىلادى. تەك، 2024 جىلى 5 ملن قۇرىلعى كولەڭكەلى جولمەن ساتىلىپ، قازىنا قارجىسى 150 ملرد تەڭگە سالىقتىق تولەمدەردەن ايىرىلعان.
كاسىپكەرلەر مەن جەكە تۇلعالار ۇيالى تەلەفوندى kz-imei.كz پورتالىندا تىركەي الادى. تالاپتى ورىنداماعاندار جاۋاپكەرشىلىككە تارتىلۋى مۇمكىن.