استانادا قازاقستاننىڭ جاسىل قۇرىلىس كەڭەسى (KazGBC) ۇيىمداستىرعان Green Build Central Asia 2025 فورۋمى ءوتتى.
بيىلعى فورۋم كەڭەستىڭ ون جىلدىق مەرەيتويىنا ارنالدى، - دەپ حابارلايدى aqshamnews.kz.
ءىس-شاراعا ايگىلى ديەۆەلوپەرلەر، ساۋلەتشىلەر، مەملەكەتتىك ورگاندار وكىلدەرى، قارجى ينستيتۋتتارى، حالىقارالىق ۇيىمدار مەن جوعارى وقۋ ورىندارى بار 100-دەن استام قاتىسۋشىجينالدى. فورۋم جاسىل قۇرىلىس بولاشاعىن تالقىلاۋعا ارنالعان وڭىردەگى ەڭ ءىرى الاڭعا اينالىپ، قازاقستان مەن جالپى ورتالىق ازياداعى سالانىڭ جاڭا دامۋ باعىتىن ايقىندادى.
ون جىل ىشىندە KazGBC تۇراقتى قۇرىلىس ەكوجۇيەسىن قالىپتاستىرىپ، ەنەرگيا تيىمدىلىگى مەن رەسۋرستاردى ۇتىمدى پايدالانۋدى ىلگەرىلەتتى، سونداي-اق حالىقارالىق ساراپتامانىڭ وڭىرلىك ورتالىعىنا اينالدى. قازاقستاندىق OMIR ادىستەمەسى بويىنشا جالپى اۋدانى شامامەن 5 ملن شارشى مەتر بولاتىن 150-دەن استام نىسان سەرتيفيكاتتالدى. سونىمەن قاتار OMIR
ءازىربايجاندا جاسىل قۇرىلىس ستاندارتىن ازىرلەۋگە نەگىز بولدى.
فورۋمدا سالانىڭ باستى تەحنولوگيالارى، ترەندتەرى مەن سىن-قاتەرلەرى تالقىلاندى:
- يننوۆاسيالىق قۇرىلىس ماتەريالدارى، سيفرلىق شەشىمدەر،
- جاڭا بۋىن ماماندارىن دايارلاۋ،
- سونداي-اق OMIR ادىستەمەسىنىڭ دامۋى.
سپيكەرلەر قاتارىندا KazGBC وكىلدەرى — دانيار
ازىمحانوۆ، ايمان شوپايەۆا، الەكساندر بەلىي، سونداي-اق ءازىربايجان جاسىل قۇرىلىس كەڭەسىنىڭ ديرەكتورى فۋاد باگيروۆ جانە قۇرىلىس ماتەريالدارىن سەرتيفيكاتتاۋ جونىندەگى ساراپشى
ۆيكتوريا گلۋششەنكو بولدى.
فورۋم قوناقتارى اراسىندا ازيات دامۋ بانكى، Sat NS، BI Group، Bazis A، او وتباسى بانك، Satbayev University، ل.ن.گۋميليەۆ اتىنداعى ەۇۋ جانە وزگە دە ۇيىمدار وكىلدەرى قاتىستى.
فورۋمنىڭ ەرەكشە ءساتى جاسىل قۇرىلىس سالاسىنداعى ۇزدىكتەردى ماراپاتتايتىن Green Awards ءراسىمى بولدى. ماراپات يەگەرلەرى قاتارىندا Sat NS، OKS Group، Kanfar Building، ازيات
دامۋ بانكى، نۇر استانا قۇرىلىس، Nest Stroy، Satbayev University، «ەرگونوميكا» عىلىمي-وندىرىستىك فيرماسى جانە باسقا دا ۇيىمدار بار.
KazGBC ديرەكتورى دانيار ازىمحانوۆ ون جىل ىشىندە كەڭەس كوپتەگەن قيىندىقتارمەن بەتپە-بەت كەلگەنىن، الايدا بۇگىنگى ناتيجەلەر كوماندانىڭ تۇراقتى ءارى دامۋشى جۇيە
قالىپتاستىرا العانىن دالەلدەيتىنىن اتاپ ءوتتى.
KazGBC اتقارۋشى ديرەكتورى الەكساندر بەلىي نارىقتىڭ ەكولوگيالىق ترانسفورماسياعا دايىن ەكەنىن ايتىپ، جاسىل قۇرىلىس قازاقستاننىڭ تۇراقتى ەكونوميكالىق وسىمىنە جانە باسەكەگە قابىلەتتىلىگىنە اسەر ەتەتىن ماڭىزدى فاكتور بولاتىنىن جەتكىزدى.
ورتالىق ازيا -كاسپيي - كاۆكاز وڭىرىندەگى ىنتىماقتاستىق بىرلەسكەن جوبالار مەن تاجىريبە الماسۋعا ۇلكەن مۇمكىندىك بەرەتىنىن ايتتى. ونىڭ سوزىنشە، KazGBC وڭىردەگى جاسىل قۇرىلىس ترەندتەرىن ايقىنداپ، كورشى ەلدەردىڭ كاسىبي قاۋىمداستىقتارى نازار اۋداراتىن جاڭا باعىتتاردى قالىپتاستىرىپ وتىر.
Green Build Central Asia 2025 فورۋمى قۇرىلىس جانە ەكولوگيا سالاسى ءۇشىن ماڭىزدى وقيعاعا اينالدى. ول كاسىبي بايلانىستاردى نىعايتىپ، جاڭا ىنتىماقتاستىقتارعا جول اشىپ، قازاقستانداعى جاسىل قۇرىلىس دامۋىنا سەرپىن بەردى. پراكتيكالىق كەيستەردى تالقىلاۋ، OMIR ادىستەمەسىن جەتىلدىرۋ جانە سالانىڭ ۇزدىكتەرىن ماراپاتتاۋ ەلىمىزدىڭ تۇراقتى قۇرىلىس شەشىمدەرى بويىنشا وڭىرلىك ورتالىق رەتىندە پوزيسياسىن كۇشەيتتى.
“10 جىل ىشىندە ءبىز تۇراقتى قۇرىلىس يدەيالارىن نارىق دامۋىنىڭ ءبىر بولىگىنە اينالدىردىق. بۇگىندە قازاقستاننىڭ ورتالىق ازياداعى جاسىل قۇرىلىس كوشباسشىسى بولۋعا مۇمكىندىگى بار، ال Green Build Central Asia فورۋمى بۇل ماقساتتىڭ قول جەتكىزەرلىك ەكەنىن ايقىن كورسەتتى” - دەپ اتاپ ءوتتى KazGBC.