2024 جىلعى 26 قازاندا الماتىداعى ورتالىق مەملەكەتتىك مۋزەيدە يۋنەسكو-نىڭ الەمدىك مۇراسىنا ارنالعان «The Planet of Art – 2024» حالىقارالىق جاستار فەستيۆالى ءوتتى. 34 ەلدىڭ جاس سۋرەتشىلەرى مادەني جانە تابيعي قۇندىلىقتاردى ساقتاۋ تۋرالى تەرەڭ ويعا تولى شىعارمالارىن كوپشىلىك نازارىنا ۇسىندى.
«The Planet of Art – 2024» فەستيۆالى قازاقستاننىڭ يۋنەسكو ۇلتتىق فەدەراسياسىنىڭ 15 جىلدىعىن اتاپ وتۋدە جانە الەمدىك مادەني مۇرانى قورعاۋ جولىندا جاس سۋرەتشىلەردىڭ باسىن بىرىكتىرەتىن ەرەكشە شاراعا اينالىپ وتىر.
«The Planet of Art فەستيۆالى – مادەنيەتتىڭ شەكارانى جويىپ، جاستىعىنا، ۇلتىنا قاراماستان ادامداردى بىرىكتىرۋ قابىلەتىنىڭ جارقىن مىسالى. بۇل جاي عانا فەدەراسيا جوباسى ەمەس، بۇل - ديالوگ پەن شىعارماشىلىقتىڭ الاڭى»، — دەدى يۋنەسكو كلۋبتارى فەدەراسياسىنىڭ پرەزيدەنتى بولات اقشولاقوۆ.
فەستيۆالدىڭ باستى وقيعاسى – جاس سۋرەتشىلەردىڭ جۇمىستارى قويىلعان كورمە بولدى، ودان كەيىن جەڭىمپازدار شىمبۇلاققا پلەنەرگە شىعىپ، شەبەرلەر ولگا يايكوۆا مەن شاريفا شارافحودجايەۆانىڭ جەتەكشىلىگىمەن تابيعات كورىنىسىن كەنەپتەرىنە ءتۇسىردى.
فەستيۆال جالعاسى جۇرگەنوۆ اتىنداعى قازاق ۇلتتىق ونەر اكادەمياسىندا ءوتتى، مۇندا جاس سۋرەتشىلەر باۋىرجان ءبايدىلدا مەن مۇقان سۇلەيمەنوۆتىڭ موزايكا جانە اكريلمەن جۇمىس ىستەۋ تەحنيكاسى بويىنشا شەبەرلىك ساباقتارىنا قاتىستى.
يۋنەسكو الەمدىك مۇرا تاقىرىبىنا ەرەكشە نازار اۋدارىلدى، جاس سۋرەتشىلەر كونە جادىگەرلەر، ساۋلەت ونەرىنىڭ جاۋھارلارى مەن تابيعاتتىڭ نازىك سۇلۋلىعىن بەينەلەدى. بۇل تۋىندىلار كەلەر ۇرپاققا قانداي مۇرا قالدىراتىنىمىز تۋرالى ويلاندىردى.
«The Planet of Art فەستيۆالى تەك جاڭا ەسىمدەردى اشىپ قانا قويماي، ماڭىزدى قۇندىلىقتاردى ۇعىندىرادى. ءبىز بۇل جوبانى قولدايمىز، سەبەبى ونەر ءوسىپ كەلە جاتقان ۇرپاقتىڭ دۇنيەتانىمىن قالىپتاستىرۋدا ماڭىزدى ءرول اتقارادى»، — دەپ اتاپ ءوتتى «ERG Komek» قق ديرەكتورى ءمادي يسمايلوۆ.
فەستيۆال قورىتىندىسى بويىنشا فيناليستەردىڭ جۇمىستارىن قامتيتىن البوم ۇسىنىلدى، بۇل مادەني بىرلىكتىڭ بەلگىسى بولدى. الەۋمەتتىك ماڭىزى بار بۇل جوبا باس سەرىكتەسى Eurasian Resources Group (ERG)، سەرىكتەس CNPC، رەسمي سەرىكتەستەرى «تەڭىزشيەۆرويل» جانە TotalEnergies E&P Kazakhstan تاراپىنان قولداۋ تاپتى. بۇل فەستيۆال بالالارعا، ولاردىڭ الەۋمەتتىك جاعدايى مەن تۇرعان جەرىنە قاراماستان، ءوز تالانتتارىن اشىپ، قازاقستاندىق جەتەكشى شەبەرلەرمەن تەگىن جۇمىس ىستەۋ مۇمكىندىگىن بەردى.
جوبا قازاقستاننىڭ يۋنەسكو جانە يسەسكو ىستەرى جونىندەگى ۇلتتىق كوميسسياسى، ق ر سىرتقى ىستەر مينيسترلىگى، ق ر وقۋ-اعارتۋ مينيسترلىگى، ق ر مادەنيەت جانە اقپارات مينيسترلىگى، الماتى قالاسى اكىمدىگى جانە الماتىداعى يۋنەسكو-نىڭ وڭىرلىك بيۋروسى قولداۋىمەن ءوتتى. ءىس-شارانىڭ دەمەۋشىلەرى قاتارىندا شىمبۇلاق تاۋ شاڭعى كۋرورتى جانە Kinoplexx & Kinopark كينوتەاتر جەلىلەرى بار.
«The Planet of Art – 2024» فەستيۆالى مادەنيەت ارقىلى ءارتۇرلى حالىقتاردى بىرىكتىرۋگە جانە ۇرپاقتار اراسىندا مادەني كوپىرلەر ورناتۋعا بولاتىنىن دالەلدەدى.