سولتۇستىك قىتايدىڭ شانسي پروۆينسياسىنداعى تايۋان قالاسىنان الماتىعا العاش رەت جۇك ۇشاعى جۇك جەتكىزدى. بۇل تۋرالى تايۋان قالاسى اكىمدىگىنىڭ سايتى جازدى، دەپ حابارلايدى aqshamnews.kz،
Boeing 737-800 ۇشاقتارىمەن Tianjin Cargo Airlines كومپانياسى قىزمەت كورسەتەتىن تۇراقتى جەتكىزىلىمدەردىڭ العاشقىسى. جاڭا اۆيارەيستەر اپتاسىنا ەكى رەت، دۇيسەنبى جانە جۇما كۇندەرى ورىندالاتىن بولادى.
Shanxi Airport Logistics Co Ltd حالىقارالىق بيزنەس ءبولىمىنىڭ ديرەكتورى لي ءحايبيننىڭ ايتۋىنشا، جۇك چارتەرلىك رەيستەرىنىڭ اشىلۋىمەن تاسىمالداۋدىڭ جالپى تيىمدىلىگى 60%-عا ارتتى، لوگيستيكالىق شىعىندار 30%-عا ازايدى.
جۇڭگو كەدەنىنىڭ مالىمەتىنە سايكەس، العاشقى جۇك ۇشاعى كۇندەلىكتى قاجەتتىلىككە ارنالعان تاۋارلار مەن اۆتوبولشەكتەردى جەتكىزگەن. الداعى ۋاقىتتا وسى باعىت بويىنشا تاسىمالداناتىن جۇك اتاۋلارىنىڭ سانى ارتۋى كۇتىلۋدە.
جاڭا اۆياباعىت اۆتوموبيل زاپچاستارىمەن، جاڭا ەنەرگەتيكالىق ونىمدەرمەن، ەلەكترونيكامەن جانە مەديسينالىق جابدىقتارمەن قازاقستان مەن ورتالىق ازيانىڭ باسقا ەلدەرىنە جۇك تاسىمالداۋعا ۇلكەن مۇمكىندىكتەر اشادى.