سەبەبى بايلانىس ورتالىعى جۇمىس ىستەي باستادى.
قازاقستاندا الەۋمەتتىك قىزمەتتەر پورتالىن قولداۋ بويىنشا بايلانىس ورتالىعى جۇمىس ىستەي باستادى، وندا اقپاراتتىق-كونسۋلتاسيالىق قىزمەتتەردى مەملەكەتتىك جانە ورىس تىلدەرىندە ۇسىنادى، دەپ حابارلايدى Almaty-akshamy.kz.
اتالمىش ورتالىققا ءتىلدى تاڭداپ، 4 سانىن باسا وتىرىپ، ءبىرىڭعاي 1414 ءنومىرى ارقىلى كىرۋگە بولادى.
«ورتالىق وپەراتورلارى پورتال پايدالانۋشىلارى – مۇگەدەكتىگى بار ادامدار جانە الەۋمەتتىك قىزمەتتەردى جەتكىزۋشىلەر ءۇشىن اقپاراتتىق-كونسۋلتاسيالىق قىزمەتتەردى مەملەكەتتىك جانە ورىس تىلدەرىندە ۇسىنادى. اتاپ ايتقاندا، پورتال جۇمىسى بويىنشا كەڭەس الۋعا، تەحنيكالىق ماسەلەلەر بويىنشا سۇرانىمدى شەشۋگە، پورتال فۋنكسيالارىن جەتىلدىرۋ بويىنشا كەرى بايلانىس الۋعا بولادى»،– دەلىنگەن ەڭبەك جانە حالىقتى الەۋمەتتىك قورعاۋ مينيسترلىگىنىڭ باسپا ءسوز قىزمەتى تاراتقان حابارلامادا.
بۇگىنگى تاڭدا ورتالىقتا 3 اناليتيك جانە 5 وپەراتور جۇمىس ىستەيدى، تاعى 3-ەۋى وقۋدان وتۋدە. بايلانىس ورتالىعىنىڭ جۇمىس ءتارتىبى: جۇمىس كۇندەرى ساعات 09:00-دەن 18:30-عا دەيىن، ءۇزىلىسسىز.
سونداي-اق، Facebook الەۋمەتتىك جەلىسىندە، Telegram مەسسەندجەرلەرىندە جانە Whatsاpp پايدالانۋشىلارىنا كەڭەس بەرۋ ءۇشىن چات-بوتتى ىسكە قوسۋ جوسپارلانىپ وتىر.
سونىمەن قاتار، اۆتوماتتاندىرىلعان داۋىستىق روبوتتى ەنگىزۋ جۇمىستارى جۇرگىزىلۋدە. بۇل كونسۋلتاسيالار قولجەتىمدىلىگىنىڭ جوعارى دەڭگەيىن قامتاماسىز ەتۋگە، جاۋاپ بەرىلمەي قالعان قوڭىراۋلار سانىن ازايتۋعا جانە سۇراۋ شەشىلگەنگە دەيىن كۇتۋ ۋاقىتىن ازايتۋعا مۇمكىندىك بەرەدى.
ەستەرىڭىزگە سالا كەتەيىك، الەۋمەتتىك قىزمەتتەر پورتالى مۇگەدەكتىگى بار ادامدارعا تىكەلەي جەتكىزۋشىلەردەن وڭالتۋ قۇرالدارى مەن قىزمەتتەرىن ءوز بەتىنشە ساتىپ الۋ مۇمكىندىگىن بەرۋ ءۇشىن 2020 جىلى ىسكە قوسىلدى.
اعىمداعى جىلدىڭ باسىنان باستاپ 113 مىڭنان استام مۇگەدەكتىگى بار ادام پورتال ارقىلى وڭالتۋدىڭ تەحنيكالىق قۇرالدارىن، ىمداۋ ءتىلىنىڭ 6 مىڭنان استام قىزمەتىن، جەكە كومەكشىنىڭ 31 مىڭنان استام قىزمەتىن، 36 مىڭعا جۋىق ساناتورلىق-كۋرورتتىق ەمدەۋ قىزمەتىن الدى جانە 122 مىڭنان استام ادام كەپىلدىك بەرىلگەن الەۋمەتتىك توپتامالارعا تاپسىرىس جاسادى.