قازاقستان اۋعانستان ايەلدەرى ءۇشىن ترانزيتتىك ءدالىز ۇسىندى، دەپ حابارلايدى almaty-akshamy.kz ق ر سىرتقى ىستەر مينيسترلىگىنە سىلتەمە جاساپ.
مالىمەتكە سايكەس، ءۇشىنشى ەلدەرگە ۇشىپ شىعۋ ءۇشىن ترانزيتتىك ءدالىز الماتى اۋەجايى ارقىلى ۇيىمداستىرىلعان جانە بۇل ق ر پرەزيدەنتى قاسىم-جومارت توقايەۆتىڭ شەشىمىمەن ىسكە اسىرىلدى.
«قازاقستان رەسپۋبليكاسىنىڭ گۋمانيتارلىق سالاداعى حالىقارالىق مىندەتتەمەلەرىنە بەيىلدىلىگىن نەگىزگە الا وتىرىپ، مەملەكەت باسشىسى اۋعان ايەل سۋديالارى مەن پارلامەنتشىلەرى جانە ولاردىڭ وتباسى مۇشەلەرى ءۇشىن ترانزيتتىك ءدالىز بەرۋ تۋرالى شەشىم قابىلدادى. ترانزيت ءۇشىنشى ەلدەرگە ودان ءارى ۇشۋ ءۇشىن الماتى قالاسىنىڭ اۋەجايى ارقىلى حالىقارالىق ۇكىمەتتىك ەمەس ۇيىمدارمەن ىنتىماقتاستىقتا جۇزەگە اسىرىلدى»، - دەلىنگەن ق ر ءسىم حابارلاماسىندا.