قاراعاندى وبلىسىنىڭ شەت اۋدانىندا بىرنەشە كۇن بويى ىزدەستىرىلگەن 72 جاستاعى ەر ادام ءولى تابىلدى، - دەپ حابارلايدى aqshamnews.kz ءتىلشىسى.
زەينەتكەر 18 جەلتوقساندا جىلقى ىزدەۋ ءۇشىن جەكە اۆتوكولىگىمەن شىعىپ، بايلانىسقا شىقپاي قالعان. تۋىستارى ونىڭ جوعالعانى تۋرالى حابار بەرگەننەن كەيىن اۋقىمدى ىزدەستىرۋ جۇمىستارى باستالدى.
ىزدەۋ جۇمىستارىنا قاراعاندى وبلىسى تجد قۇتقارۋشىلارى، پوليسيا قىزمەتكەرلەرى، №52859 اسكەري ءبولىمنىڭ اسكەري قىزمەتشىلەرى، ەرىكتىلەر مەن مارقۇمنىڭ تۋىستارى جۇمىلدىرىلعان. اۋماقتى اۋەدەن "قازاۆياقۇتقارۋ" تىكۇشاعى شولىپ، دروندار مەن Starlink سپۋتنيكتىك بايلانىسى قولدانىلعان. ىزدەۋ توپتارى ىقتيمال باعىتتاردى تەكسەرىپ، قولجەتىمى قيىن اۋماقتاردى تاۋلىك بويى قاراعان.
23 جەلتوقساندا ەر ادام اعادىر كەنتىنەن شامامەن 35 شاقىرىم قاشىقتىقتا، ورتاۋ اۋىلىنا اپاراتىن دالالىق جولدا، قارعا كومىلىپ قالعان اۆتوكولىكتىڭ ىشىندە ءولى تابىلعان. مارقۇم جۇرگىزۋشى ورنىندا بولعان، زورلىق-زومبىلىق بەلگىلەرى انىقتالماعان.