مەملەكەت باسشىسى، جوعارعى باس قولباسشى قاسىم-جومارت توقايەۆ قورعانىس ءمينيسترى داۋرەن قوسانوۆتى قابىلدادى،- دەپ حابارلايدى اqshamnews.kz ءتىلشىسى اقورداعا سىلتەمە جاساپ.
كەزدەسۋدە مينيستر 2025 جىلدىڭ العاشقى جارتىجىلدىعىنداعى قارۋلى كۇشتەردىڭ اتقارعان جۇمىسى تۋرالى ەسەپ بەردى. پرەزيدەنتكە ارميانىڭ جاۋىنگەرلىك دايىندىعى، كوكتەمگى شاقىرۋ ناۋقانىنىڭ قورىتىندىلارى، اسكەري-پاتريوتتىق تاربيە مەن اسكەري قىزمەتشىلەردى الەۋمەتتىك قولداۋ شارالارى جونىندە باياندالدى.
سونداي-اق، قوسانوۆ پرەزيدەنت تاپسىرمالارىنىڭ ورىندالۋ بارىسىن تانىستىرىپ، اسكەردىڭ ۇتقىرلىعىن ارتتىرۋ، اۋە شابۋىلىنا قارسى قورعانىستى كۇشەيتۋ، ۇشقىشسىز ۇشاتىن اپپاراتتار مەن ينفراقۇرىلىمدى دامىتۋ بويىنشا مالىمەت بەردى.
پرەزيدەنت قاسىم-جومارت توقايەۆ مينيسترگە اسكەري الەۋەتتى نىعايتۋعا قاتىستى ءبىرقاتار تاپسىرما بەرىپ، اسكەري قىزمەتشىلەردىڭ قاۋىپسىزدىگىن قامتاماسىز ەتۋ مەن جاراقاتتانۋ، جازىم بولۋ وقيعالارىن بولدىرماۋ ءۇشىن كەشەندى شارالار قابىلداۋدىڭ ماڭىزدىلىعىن اتاپ ءوتتى.