قازاقستان مەن ورتا ازيانىڭ ءبىرقاتار تاريحي مۇرالارى يۋنەسكو تىزىمىنە ەنەدى
بۇگىن ق ر مادەنيەت جانە سپورت ءمينيسترى اقتوتى رايىمقۇلوۆا يۋنەسكو-نىڭ الماتىداعى بيۋروسىنىڭ ديرەكتورى جانە قازاقستان، قىرعىزستان جانە وزبەكستانداعى يۋنەسكو وكىلى كريستا پيككاتپەن كەزدەستى، دەپ حابارلادى Almaty-akshamy.kz. ق ر مادەنيەت جانە سپورت مينيسترلىگىنىڭ سايتىنا سىلتەمە جاساپ.
كەزدەسۋ جىلى، دوستىق راۋىشتە ءوتتى. اقتوتى رايىمقۇلوۆا كريستا پيككاتقا جانە يۋنەسكو-نىڭ كلاستەرلىك بيۋروسىنا مادەني مۇرانى، ءداستۇرلى قۇندىلىقتار مەن ادامزاتتىڭ ءبىلىمىن جەتىلدىرىپ، ارتتىرۋعا باعىتتالعان سەمينارلار، ترەنينگتەر مەن دارىستەر وتكىزگەنى ءۇشىن العىس ايتتى.
كلاستەرلىك بيۋرو ۇيىمداستىراتىن ءىس-شارالار تاريحي-مادەني مۇرانى ساقتاۋدا ءبىلىم مەن تاجىريبە جيناۋعا، بەرۋگە، تاراتۋعا جانە الماسۋعا مۇمكىندىك بەرەدى.
قازاقستاننىڭ يۋنەسكو ىستەرى جونىندەگى ۇلتتىق كوميسسياسى قازاقستان باسشىلىعىنىڭ «جىبەك جولى: فەرعانا-سىرداريا ءدالىزى» سەريالىق ترانسۇلتتىق نوميناسياسىن يۋنەسكو-نىڭ بۇكىلالەمدىك مۇرالار تىزىمىنە بىرلەسىپ دايىنداۋ جانە ىلگەرىلەتۋ ماسەلەسىن ماقۇلداعان بولاتىن.
الايدا، كوروناۆيرۋس پاندەمياسىنا جانە شەكارالاردىڭ جابىلۋىنا بايلانىستى بۇل جۇمىس ءبىرشاما باياۋلاپ قالعان ەدى.
قازىرگى ۋاقىتتا قازاقستان رەسپۋبليكاسىنىڭ مادەنيەت جانە سپورت مينيسترلىگى، قىرعىز رەسپۋبليكاسىنىڭ مادەنيەت، اقپارات، سپورت جانە جاستار ساياساتى مينيسترلىگى، تاجىكستان رەسپۋبليكاسىنىڭ مادەنيەت مينيسترلىگى جانە وزبەكستان رەسپۋبليكاسىنىڭ مادەنيەت مينيسترلىگى اراسىندا بىرلەسكەن دايىندىق جانە ىلگەرىلەتۋ بويىنشا مەموراندۋم جوباسى ازىرلەندى.
مەموراندۋم ترانسۇلتتىق نوميناسيانى دايىنداۋ جونىندەگى حاتشىلىقتى قۇرۋ جولىمەن كۇش بىرىكتىرۋدى كوزدەيدى، ونىڭ فۋنكسيالارى قازاقستان رەسپۋبليكاسى مادەنيەت جانە سپورت مينيسترلىگىنە جۇكتەلگەن.
سونداي-اق ارنايى جۇمىس توبى قۇرىلىپ، ونىڭ قۇرامىنا بارلىق 4 ەلدىڭ وكىلدەرى كىرەدى، ولار سەريالىق ترانسۇلتتىق نوميناسيانى تىكەلەي دايىنداۋمەن جانە ىلگەرىلەتۋمەن اينالىسادى.
مەموراندۋم جوباسىن قىرعىز، تاجىك جانە وزبەك تاراپتارى الدىن الا كەلىسىپ، ماقۇلداعان. تاياۋ ۋاقىتتا مەموراندۋمعا رەسمي قول قويۋ ءراسىمى وتەدى دەپ كۇتىلۋدە.
قازاقستان تاراپىنان جىل سايىن سەريالىق ترانسۇلتتىق نوميناسيانى ىلگەرىلەتۋ جونىندەگى ۇيىمداستىرۋ ءىس-شارالارىنا قاراجات ءبولىنىپ كەلەدى.
بۇدان ءارى اقتوتى رايىمقۇلوۆا كريستا پيككاتتى وسى باعىتتا جۇرگىزىلىپ جاتقان ناقتى جۇمىس تۋرالى حاباردار ەتتى.
ق ر مادەنيەت جانە سپورت مينيسترلىگى دۇنيەجۇزىلىك مۇرا كوميتەتىن «ەسكى تۇركىستان» ارحەولوگيالىق پاركىنىڭ جوسپارىنداعى كەيبىر وزگەرىستەر تۋرالى حاباردار ەتتى. تۇركىستان رۋحاني-مادەني ورتالىعىنىڭ ءبىرىنشى كەزەڭىنىڭ جەتى جوباسى تۋرالى اقپاراتتى جاڭارتتى. بۇگىنگى تاڭدا امفيتەاتر، نەكە سارايى، شىعىس مونشاسى، سۋبۇرقاق، كۇلتوبە قالاشىعى مەن ارحەولوگيالىق پاركىن قۇرۋ؛ قوجا احمەت ياساۋي مۇراجايى، وبلىستىق عىلىمي-امبەباپ كىتاپحانا جانە «ۇلى دالا ەلى» ورتالىعى قۇرىلىسى اياقتالدى. سونداي-اق قازاق دراما تەاترىن قامتيتىن ەكىنشى كەزەڭدەگى جوبالار - ساۋدا ورتالىعى، «Hampton» قوناق ءۇيى جانە شىعىس بازارى-كەرۋەن-ساراي، سونداي-اق ت.ب بار.
دۇنيەجۇزىلىك مۇرا كوميتەتىنىڭ كەڭەيتىلگەن 44ء-شى سەسسياسىنىڭ الدىن الا شەشىمىنىڭ جوباسى بەلگىلى، ونداعى ۇسىنىستارمەن قازاقستان كەلىسىپ وتىر.
2022 جىلعى 1 اقپانعا دەيىنگى مەرزىمدە ءبىز دۇنيەجۇزىلىك مۇرا ورتالىعىنا وبەكتىنىڭ ساقتالۋ جاي-كۇيى تۋرالى جانە 44 - سەسسيا شەشىمىنىڭ ورىندالۋى تۋرالى جاڭارتىلعان ەسەپتى دۇنيەجۇزىلىك مۇرا كوميتەتىنىڭ 2022 جىلعى 45-سەسسياسىندا قاراۋى ءۇشىن ۇسىناتىن بولامىز.
سونىمەن قاتار، كەزەكتى سەسسيانىڭ قورىتىندىسى بويىنشا ءبىز بولاشاق قۇرىلىس نىسانىن قاۋىپ-قاتەرسىز قالاي قورعاۋعا بولاتىندىعىن قاراستىرۋ ءۇشىن دۇنيەجۇزىلىك مۇرا ورتالىعىنىڭ/ICOMOS رەاكتيۆتى مونيتورينگىنىڭ بىرلەسكەن ميسسياسىن كۇتەمىز»، - دەدى مينيستر.
سونىمەن قاتار ق ر مادەنيەت جانە سپورت ءمينيسترى كريستا پيككاتقا قازاقستاندىق تاراپتان ميسسيانىڭ جۇمىسىنا بارلىق قاجەتتى قولداۋ كورسەتىلەتىنىن ايتتى.