پوليسيا قىزمەتكەرلەرى اتا-اناسىنان اداسىپ قالعان 235 بالانى وتباسىمەن قاۋىشتىردى، دەپ حابارلايدى aqshamnews.kz.
كەشە قاراعاندىدا شاحتەرلەر كۇنى مەرەكەسى كەڭ اۋقىمدا اتالىپ ءوتتى. وسىنشا بالانىڭ اتا-اناسىنان اداسىپ قالعانىنا قاراپ قاراعاندىدا بۇل كۇننىڭ قانداي اۋقىمدا اتالىپ وتكەنىن باعامداي بەرۋگە بولاتىن شىعار.
دەيتۇرعانمەن، شاحتەرلەر كۇنى ءقاۋىپسىز ءوتتى، دەپ مالىمدەيدى ءتارتىپ ساقشىلارى.
ورتالىق الاڭعا 120 مىڭعا جۋىق قالا تۇرعىنى مەن قوناقتارى جينالىپ، مەرەكەلىك كونسەرتكە كۋا بولدى. شارانىڭ قاۋىپسىزدىگىن قامتاماسىز ەتۋ ماقساتىندا 1000-نان استام پوليسيا قىزمەتكەرى جانە ۇلتتىق ۇلاننىڭ 300 اسكەري قىزمەتشىسى جۇمىلدىرىلدى. مەرەكەدە بىردە-بىر قۇقىق بۇزۋشىلىق تىركەلگەن جوق. دەگەنمەن، حالىق كوپ شوعىرلانعان ورىندا بالالاردىڭ اداسىپ قالۋ جاعدايلارى تىركەلدى. بارلىعى 235 بالا ۋاقىتشا اتا-اناسىنان اجىراپ قالعان. پوليسيا قىزمەتكەرلەرىنىڭ جەدەل ءارى ۇيلەسىمدى ارەكەتىنىڭ ارقاسىندا ولاردىڭ بارلىعى قىسقا ۋاقىت ىشىندە تابىلىپ، اتا-اناسىنا امان-ەسەن تابىستالدى.
وسى ماقساتتا ءتارتىپ ساقشىلارى كونسەرتتىڭ جۇرگىزۋشىلەرىمەن تۇراقتى بايلانىس ورناتىپ، تابىلعان بالالار جايلى جەدەل حابار تاراتىپ وتىردى. سونداي-اق بالالاردىڭ قاۋىپسىزدىگى ءۇشىن ارنايى اۆتوبۋس ءبولىنىپ، وندا بۇلدىرشىندەر اتا-اناسى كەلگەنگە دەيىن باقىلاۋدا بولدى. بۇل وقيعا پوليسيا قىزمەتىنىڭ باستى قاعيداتى – ازاماتتاردىڭ قاۋىپسىزدىگىن قورعاۋ مەن جاردەمدەسۋگە ءارقاشان دايىن ەكەندىگىنىڭ ايقىن كورىنىسى بولدى.