بۇگىن اقتاۋدا Kazakh Tourism ۇلتتىق كومپانياسىنىڭ وكىلدەرى جەرگىلىكتى تۋريستىك قاۋىمداستىق پەن قوناق ءۇي يەلەرىمەن كەزدەستى.
كەزدەسۋدە قارقىندى دامىپ كەلە جاتقان كۋرورتتىق ايماقتا ۇلتتىق كومپانيانىڭ جىل سوڭىنا دەيىن 1000-عا جۋىق سالالىق ماماندى وقىتۋعا نيەتتى ەكەندىگى ايتىلدى. وعان وڭىردە اسپازشىلار، شۆەيسارلار، داياشىلار مەن بولمە قىزمەتكەرلەرى، جاعاجايداعى قۇتقارۋشى ماماندار جانە وزگە دە سالا ماماندارىنىڭ تاپشىلىعى تۇرتكى بولعان، دەپ حابارلادى Almaty-akshamy.kz. ق ر مادەنيەت جانە سپورت مينيسترلىگىنىڭ سايتىنداعى حابارعا سىلتەمە جاساپ.
«وتكەن جىلى ايماقتاعى بارلىق قوناق ءۇي كەشەندەرى دەمالۋشىلار سانىنىڭ ارتقاندىعىن ەرەكشە سەزىندى. سايكەسىنشە، سالاداعى ساپالى قىزمەتكەرلەردىڭ جەتىسپەۋشىلىگى بايقالدى. ەگەر 2025 جىلعا دەيىن ماڭعىستاۋ 1،7 ملن ءتۋريستى قابىلداۋدى جوسپارلاپ وتىرعانىن ەسكەرسەك، وندا بىلىكتى كادرلارعا دەگەن قاجەتتىلىك تەك ارتا تۇسەدى»، - دەدى ۇلتتىق كومپانيا ءتوراعاسى ەرجان ەركىنبايەۆ.
اقتاۋ قالاسىنىڭ حالىقارالىق اۋەجايىنىڭ قىزمەتكەرلەرى دە وقىتۋدان وتەدى، وندا كۇردەلى جاعدايلاردا، تەكسەرۋ جەلىسىندە تۋريستەرمەن ءوزارا ءىس-قيمىل جاساۋ جانە ت.ب. ماڭىزدى ماسەلەلەرگە ەرەكشە نازار اۋدارىلاتىن بولادى.
وقىتۋدان وتكەن بارلىق قاتىسۋشىلار جەرگىلىكتى كۋرورتتىق نىسانداردا جۇمىسقا ورنالاسادى.
سونىمەن قاتار، كەزدەسۋدە ق ر مادەنيەت جانە سپورت مينيسترلىگى تۋريزم يندۋسترياسى كوميتەتىنىڭ ءتوراعاسى داستان رىسپەكوۆ جاقىندا قابىلدانعان تۋريزم سالاسىنداعى مەملەكەتتىك قولداۋدىڭ جاڭا شارالارى تۋرالى ايتتى.
سونداي-اق كەزدەسۋ اياسىندا تۋريستەردى ەسەپكە الۋ، تۋريستىك اعىمدى تالداۋ جانە كوشى-قون باقىلاۋىن جۇزەگە اسىرۋعا ارنالعان ءبىرىڭعاي اقپاراتتىق جۇيە – eQonaq جۇمىسى تانىستىرىلدى.
بۇگىندە بۇل جۇيە ەلىمىزدىڭ 383 ورنالاستىرۋ ورىندارىندا (قوناق ۇيلەر، حوستەلدەر، دەمالىس ۇيلەرى جانە ت.ب.) ەنگىزىلگەن. ال جىل سوڭىنا دەيىن جۇيەگە ەلىمىز بويىنشا 600-دەن استام ورنالاستىرۋ ورىندارى تىركەلىپ، ونىڭ ىشىندە ماڭعىستاۋ وبلىسىنىڭ بارلىق وبەكتىلەرى قوسىلادى.