بۇگىن ءماجىلىس ەكىنشى وقىلىمدا «جاساندى ينتەللەكت تۋرالى» زاڭ جوباسىن جانە وعان ىلەسپە زاڭ جوبالارىن قابىلدادى.
قۇجات مەملەكەت باسشىسىنىڭ تاپسىرماسى اياسىندا ازىرلەنگەن. قۇجات جاساندى ينتەللەكت سالاسىندا قۇقىقتىق جانە ۇيىمداستىرۋشىلىق رەتتەۋدى، اشىقتىق پەن قاۋىپسىزدىكتى قامتاماسىز ەتۋدى كوزدەيدى، - دەپ حابارلايدى Aqshamnews.kz.
«مەملەكەت باسشىسى تاياۋداعى جولداۋىندا الدىمىزعا ءۇش جىل ىشىندە قازاقستاندى جاپپاي سيفرلىق ەلگە اينالدىرۋ جونىندە اۋقىمدى مىندەت قويدى. بۇل پروگرەسسيۆتى يدەيانى پرەزيدەنتىمىز بۇگىن الەمنىڭ ەڭ باستى مىنبەرى – بىرىككەن ۇلتتار ۇيىمىنىڭ تورىنەن دە جاريالادى»، - دەدى ءماجىلىس ءتوراعاسى ەرلان قوشانوۆ.
بۇگىن قابىلدانىپ وتىرعان جاساندى ينتەللەكت تۋرالى زاڭ – وسى باستامانى ىسكە اسىرۋ جولىنداعى ىرگەلى قادام بولعان.
«ول ەلىمىزدىڭ سيفرلىق دامۋىن جاڭا دەڭگەيگە شىعارۋعا جول اشاتىنى انىق. قازاقستان الەمدە مۇنداي زاڭ قابىلداعان العاشقى ەلدەردىڭ قاتارىندا. زاڭدى قابىلداۋ بارىسىندا سيفرلاندىرۋ سالاسىنداعى وزىق الەمدىك تاجىريبەلەر مەن تاۋەكەلدەردىڭ ءبارى ەسكەرىلدى. ادىلەتتىلىك، زاڭدىلىق، اشىقتىق، ادام قۇقىقتارى مەن جەكە مالىمەتتەردى قورعاۋ باستى پرينسيپ رەتىندە قاراستىرىپ وتىر»، - دەدى ەرلان قوشانوۆ.