الماتىلىق ونكولوگتار ەلدە العاش بولىپ حيميوپرەپاراتتاردى دايىنداۋعا ارنالعان KiroOncology روبوتتاندىرىلعان جۇيەسىن ەنگىزدى.
الماتى قازاقستانداعى تەحنولوگيالىق مەديسينانىڭ فلاگمانىنا اينالىپ كەلەدى. ەلدە العاش رەت الماتىلىق ونكولوگيا ورتالىعىندا حيميوپرەپاراتتاردى دايىنداۋدىڭ روبوتتاندىرىلعان KiroOncology جۇيەسى ەنگىزىلدى. بۇعان دەيىن اتالعان جۇيە تەك ەۋروپا مەن اقش كلينيكالارىندا پايدالانىلعان. بۇل تۋرالى الماتى قالاسى وڭىرلىك كوممۋنيكاسيالار قىزمەتىندە وتكەن باسپا ءسوز ءماسليحاتىندا الماتى قالاسى اكىمىنىڭ ورىنباسارى نۇرلان ءابدىراحىم مالىمدەدى.
ونىڭ ايتۋىنشا، سونداي-اق قازاقستاندا العاش رەت №3 قالالىق ەمحانادا تىركەۋشى قىزمەتىن اتقاراتىن جاساندى ينتەللەكت نەگىزىندەگى داۋىس روبوتتارى ىسكە قوسىلدى. جۇيە پاسيەنتتىڭ ءسوزىن ەستىپ، تۇسىنەدى، كەڭەس بەرەدى جانە ءوتىنىشتى رەتتەيدى. الداعى ۋاقىتتا بۇل تاجىريبە بارلىق قالالىق ەمحاناعا ەنگىزىلەدى.
«الماتى مەديسينانى نەعۇرلىم ءدال، ءقاۋىپسىز ءارى قولجەتىمدى ەتەتىن تەحنولوگيالاردى ەنگىزىپ كەلەدى»، — دەدى نۇرلان ءابدىراحىم.
سونىمەن قاتار، قالالىق كارديولوگيا ورتالىعى بازاسىندا العاش رەت قالالىق دەڭگەيدە جۇرەك ترانسپلانتاسياسى بويىنشا وتا جاسالۋعا دايىندىق جۇرگىزىلىپ جاتىر.
كادرلىق الەۋەتكە ەرەكشە كوڭىل بولىنۋدە. الماتى اكىمىنىڭ ورىنباسارىنىڭ ايتۋىنشا، جىل سايىن قالانىڭ مەديسينالىق مەكەمەلەرىنە 400 جاس مامان جۇمىسقا كەلەدى، ولار باسپانامەن جانە الەۋمەتتىك كەپىلدىكتەرمەن قامتاماسىز ەتىلەدى. سۇرانىس جوعارى باعىتتار بويىنشا 124 دارىگەر رەزيدەنتۋراعا جىبەرىلگەن.