الماتىنىڭ باس سانيتار دارىگەرى نە سەبەپتەن قاۋلى قابىلداعانىن ايتتى.
ماۋسىمنىڭ 28 كۇنى الماتى قالاسى وڭىرلىك كوممۋنيكاسيالار قىزمەتىنىڭ الاڭىندا «اعىمداعى ەپيدەميولوگيالىق جاعداي جانە COVID-19-دىڭ تارالۋىن الدىن الۋ شارالارى» تاقىرىبىندا ونلاين باسپاسوز-كونفەرەنسياسى ءوتتى. شارا بارىسىندا الماتى قالاسى سانيتاريالىق-ەپيدەميولوگيالىق باقىلاۋ دەپارتامەنتىنىڭ باسشىسى، قالانىڭ باس مەملەكەتتىك سانيتار دارىگەرى جانداربەك بەكشين جانە الماتى قالاسى قوعامدىق دەنساۋلىق باسقارماسىنىڭ باسشىسى ناريمان تابىنبايەۆ شاھارداعى بۇگىنگى ەپيداحۋال تۋرالى ايتىپ بەردى، دەپ حابارلايدى Almaty-akshamy.kz.
باس سانيتار دارىگەر جانداربەك بەكشيننىڭ ايتۋىنشا، بۇگىنگى تاڭدا ءۇندى شتامى 35% قۇراپ وتىر. بۇل وتە ءقاۋىپتى ءارى جىلدام تارايتىن شتامم بولعاندىقتان، ماماندار ارنايى شالاردى ىسكە اسىرىپ جاتىر. وسى ماقساتتا سانيتارلىق داوىگەر ارنايى قاۋلى شىعارعانىن ايتتى.
«ماۋسىمىنىڭ 26 كۇنى مەنىڭ قاۋلىم شىقتى، وعان بارلىق مۋتاسيادان وتكەن ەڭ ءقاۋىپتى ءۇندى شتامى سەبەپ بولىپ وتىر. ءبىز ءوز مەرزىمىندە وسى شتامدى انىقتاپ، سول «قىزىل» ايماققا كىرگەن كۇنى ءوز قاۋلىمىزدى شىعاردىق. جىل باسىنان بەرى قالادا 55 مىڭنان استام جاعداي تىركەلسە، ماۋسىم ايىندا 3889 جاعداي تىركەلگەن، وتكەن تاۋلىكتە 215 جاعداي انىقتالدى. وزدەرىڭ كورىپ وتىرعانداي، ەكى اپتا بۇرىن ءبىر تاۋلىكتە 114 جاعداي بولاتىن. ءقازىر اۋرۋلاردىڭ سانى ءوسىپ كەلە جاتىر، اۋرۋلار سانىنىڭ وسۋىنە بايلانىستى قاۋلى قابىلدادىق»، – دەدى جاندارباەك بەكشين.
جانداربەك بەكشيننىڭ ايتۋىنشا، بۇل شتامم جاستار مەن قارتتار ءۇشىن ءقاۋىپتى. سول سەبەپتەن قالا بويىنشا ءبىرقاتار شەكتەۋلەر ەنگىزىلەتىن بولادى.