ءىىم “اۆتوبۋس” وپەراسياسىن باستادى
جولاۋشىلار كولىگىنىڭ قاتىسۋىمەن بولاتىن، ونىڭ ىشىندە اۆتوتاسىمالداۋشىلاردىڭ جاۋاپسىزدىعى سالدارىنان ورىن الاتىن جول-كولىك وقيعالارىنىڭ الدىن الۋ ماقساتىندا 7 ماۋسىمنان باستاپ “اۆتوبۋس” رەسپۋبليكالىق جەدەل الدىن الۋ ءىس-شاراسى وتكىزۋدە، دەپ حابارلادى Almaty-akshamy.kz.
ءىس-شارانى وتكىزۋ كەزەڭىندە ىشكى ىستەر ورگاندارى جەرگىلىكتى اتقارۋشى، مۇددەلى مەملەكەتتىك ورگانداردىڭ (كولىكتىك باقىلاۋ ينسپەكسياسى، مەملەكەتتىك كىرىستەر ورگاندارى جانە ت. ب.) وكىلدەرىمەن جانە جۇرتشىلىقپەن بىرلەسىپ:
– جولاۋشىلار كولىگىنىڭ تەحنيكالىق جاي-كۇيىن جانە ونىڭ جول قوزعالىسى قاۋىپسىزدىگىنىڭ بەلگىلەنگەن تالاپتارىنا سايكەستىگىنە؛
– جولاۋشىلار كولىگى جۇرگىزۋشىلەرىنىڭ رەيس الدىنداعى مەديسينالىق جانە تەحنيكالىق بايقاۋدان وتۋىنە؛
– كولىك ءتارتىبىن، سونداي-اق اۆتوتاسىمالداۋشىلاردىڭ ەڭبەك جانە دەمالىس رەجيمىن ساقتاۋىنا باسا نازار اۋدارىپ، زاڭسىز تاسىمالداۋشىلاردى انىقتايدى.
سونىمەن قاتار، اۆتوكاسىپورىنداردىڭ جۇرگىزۋشىلەرى اراسىندا ءتۇسىندىرۋ جانە الدىن الۋ جۇمىستارىن جۇرگىزۋ، سونداي-اق جول قاۋىپسىزدىگىن قامتاماسىز ەتۋ ماسەلەلەرى بويىنشا اۆتوتاسىمالداۋشىلارمەن بىرلەسكەن كەڭەستەر وتكىزۋ جوسپارلانعان.
اعىمداعى جىلدىڭ باسىنان بەرى رەسپۋبليكا جولدارىندا اۆتوبۋس جۇرگىزۋشىلەرىنىڭ كىناسىنەن شامامەن 170 جول-كولىك وقيعاسى تىركەلدى. جول-كولىك وقيعالارىندا 13 ادام قازا تاۋىپ، 200-دەن استام ادام جاراقات الدى.