الماتىدا پوليسەيلەر اعاشتان سەكىرمەك بولعان ماس ادامدى قۇتقاردى
4 ماۋسىم كۇنى الماتىدا پوليسەيلەر اعاشتان سەكىرمەك بولعان ماس ادامدى قۇتقاردى، دەپ حابارلايدى Almaty-akshamy.kz.
Iشكى ىستەر مينيسترلىگىنىڭ رەسمي سايتىنداعى دەرەك بويىنشا، 3 ماۋسىمدا اۋەزوۆ اۋداندىق پب-نىڭ كەزەكشى بولىمىنە ىشىمدىك ىشكەن بەلگىسىز ەر ادام ماس كۇيىندە 3ء-شى ىقشام اۋداننىڭ №20 ءۇيدىڭ جانىندا جۇرگەنى تۋرالى قوڭىراۋ كەلىپ ءتۇستى.
وقيعا ورنىنا جەتكەن ۋچاسكەلىك ينسپەكتورلار اقپاراتتى راستادى. شىندىعىندا، ەر ادام جۇرگەن جوق، اعاشتىڭ باسىندا وتىردى. ونىڭ جەكە باسى بىردەن انىقتالدى – 1972 جىلى تۋعان ب.ەسىمدى ازامات.
«ماس ادام بىرنەشە رەت تومەن قاراي قۇلاۋعا تىرىستى. ءوتىپ بارا جاتقان ادامدار ونى مۇنداي ارەكەت جاساماۋعا كوندىرۋگە تىرىسقان كەزدە، ۋچاسكەلىك ينسپەكتور ادىلەت شەگەبايەۆ قىزمەتتىك كويلەگىن شەشىپ، اعاشقا ورمەلەپ شىعىپ، ەر ادامنىڭ وز-وزىنە قول جۇمساۋعا تىرىسقان ارەكەتىنە توسقاۋىل قويدى. تومەندە ادامنىڭ ومىرىنە بەيجاي قارامايتىن ازاماتتار تەنتتى جايىپ، جىگىتتى توسىپ الۋعا دايىن تۇردى»،– دەدى اۋەزوۆ اۋداندىق پب باستىعى ۇلان ءابىلحايىر.