كوروناۆيرۋس ءقاۋپى سەيىلەر ەمەس
الماتىدا كوروناۆيرۋس جۇقتىرعان 35 جۇكتى ايەلدىڭ اۋرۋحانادا ەمدەلىپ جاتقانىن ونلاين بريفينگ بارىسىندا قالالىق قوعامدىق دەنساۋلىق ساقتاۋ باسقارماسى باسشىسىنىڭ ورىنباسارى لاۋرا مىرزاعالي ءمالىم ەتتى، دەپ حابارلايدى Almaty-akshamy.kz قازاقپارات سايتىنا سىلتەمە جاساپ.
«ءبىزدىڭ اۋرۋحانالاردا كوروناۆيرۋس جۇقتىرعان 35 جۇكتى ايەل ەم قابىلداپ جاتىر، ونىڭ بىرەۋىنىڭ جاعدايى وتە اۋىر، ەكەۋىنىڭ جاعدايى اۋىر جانە ەكى ناۋقاس جاساندى تىنىس الۋ اپپاراتىنا قوسىلعان. 283 ايەل ۇيدە دارىگەلەردىڭ باقىلاۋمەن ەم الىپ جاتىر»،- دەدى سپيكەر.
جالپى، ينفەكسيالىق ستاسيونارلاردا 1 788 ادام بار (توسەك-ورىننىڭ جالپى سانى –5230)، ونىڭ ىشىندە 53ء-ى - بالا.
«مەديسينالىق-سانيتارلىق العاشقى كومەك ءموبيلدى بريگادالارىنىڭ جانە تەلەمەديسينا ورتالىعىنىڭ امبۋلاتوريالىق باقىلاۋىندا 4 448 پاسيەنت بار. ونىڭ ىشىندە ىندەت بەلگىلەرى بار، ورتاشا اۋىر جاعدايدا – 4 190 ناۋقاس. 159 ادامدا كوروناۆيرۋس بەلگىلەرى جوق»، - دەدى لاۋرا مىرزاعالي.