الماتى قالاسىندا جاندوسوۆ كوشەسى- 57 مەكەنجايىنداعى اۋلانى اباتتاندىرۋ جۇمىستارى اياقتالدى. بۇل جوبا قالالىق اۋلا اۋماعىن كۇردەلى جوندەۋ باعدارلاماسى اياسىندا جۇزەگە استى.
اۋدان اكىمى ابزال ەگەمبەردييەۆ باسپا ءسوز تۋرى بارىسىندا جوبانىڭ ماقساتى - بارلىق جاستاعىلار ءۇشىن جايلى، ءقاۋىپسىز جانە فۋنكسيونالدى ورتا قۇرۋ ەكەنىن اتاپ ءوتتى. اباتتاندىرۋ كەزىندە اۋلاعا 622 م² اسفالت توسەلىپ، 405 م² رەزەڭكە جابىن ورناتىلدى، 6 كىشى ارحيتەكتۋرالىق نىسان، 7 ورىندىق پەن قوقىس جاشىگى، قالقاسى بار 4 كوشە ترەناجەرى، سونداي-اق فۋتبول مەن باسكەتبول ويناۋعا ارنالعان كوپفۋنكسيونالدى سپورت الاڭى ورناتىلدى. بالالاردىڭ قاۋىپسىزدىگى ءۇشىن 40 مەتر قورشاۋ، 8 جارىق باعاناسى مەن تاۋلىك بويى ىستەيتىن 4 كامەرا دا ورناتىلدى.
«ءبىز ءار اۋلانىڭ تۇرعىنداردىڭ سۇقباتتاساتىن، كۇش-قۋاتىن تولىقتىرىپ، داميتىن ورىنعا اينالعانىن قالايمىز. جاندوسوۆ كوشەسىندەگى بۇل جوبا – تۇرعىندارمەن بىرلەسە وتىرىپ، قالالىق ورتانى قالاي قالىپتاستىرىپ جاتقانىمىزعا دالەل بولا الادى»، - دەپ اتاپ ءوتتى ابزال ەگەمبەردييەۆ.
اكىمنىڭ ايتۋىنشا، الماتىداعى اۋلالارى ەڭ تىعىز ورنالاسقان وسى اۋەزوۆ اۋدانى ەكەن. مۇنداعى اۋلانىڭ تىعىزدىعى - 966 اۋلا.
«وتكەن جىلى 65 اۋلانى جاڭارتتىق، ونىڭ 23ء-ى كۇردەلى جوندەۋ اياسىندا، 42ء-سى «حالىق قاتىساتىن بيۋدجەت» جوباسىمەن جۇزەگە اسىرىلدى. سونداي-اق 115 اۋلاعا ادەتكى جوندەۋ جۇمىسى جۇرگىزىلدى، ولاردىڭ 159-ى وسىنداي جۇمىسقا ەڭ مۇقتاج اۋلا بولاتىن. ورتا ەسەپپەن جىل سايىن ءبىز 100 اۋلاعا دەيىن جوندەپ شىعامىز»، - دەپ اتاپ ءوتتى ول.
اباتتاندىرۋ جۇمىسىنىڭ ەرەكشە نازار اۋداراتىن جاعى - اۋماققا بولىنگەنى. ولار - كىشكەنتاي بالالارعا ارنالعان ويىن الاڭى، جاسوسپىرىمدەردىڭ اۋماعى، ۆوركاۋت الاڭدارى، قالقا استىنداعى ترەناجەرلەر، ۋاقىتپەن شەكتەلگەن امبەباپ سپورت الاڭدارى بولىپ بولىنگەن. بارلىق جۇمىس الماتىنىڭ باس جوسپارىن ەسكەرىپ بارىپ قولعا الىنعان. سايران شاعىن اۋدانىندا دا اۋلالاردى جاڭارتىپ جاتىر. كۇزگە دەيىن مۇندا 14 اۋلا تولىق جاڭارتىلماق.
اكىم قاۋىپسىزدىككە ەرەكشە نازار اۋداراتىنىن اتاپ ءوتتى. ەسكى جابىندار مەن توزىعى جەتكەن قۇرىلىمداردى وسى زامانعى، جاراقاتتان قورعايتىن ماتەريالدارمەن الماستىرىلىپ جاتىر.