زەرتحانا سينتەتيكا وندىرۋمەن اينالىسقان.
ءىىم ەسىرتكى قىلمىسىنا قارسى ءىس-قيمىل جونىندەگى قىزمەتكەرلەرى الماتى قالاسىنىڭ جەتىسۋ اۋدانىندا جالعا الىنعان جەكە ۇيلەردىڭ بىرىندە ەسىرتكى زەرتحاناسىن جويدى، دەپ حابارلايدى aqshamnews.kz Polisia.kz-كە سىلتەمە جاساپ.
"جەدەل ىزدەستىرۋ ءىس-شارالارىن جۇرگىزۋ بارىسىندا جالپى سالماعى ءبىر جارىم كيلوگرامنان اساتىن “aلفا-pvp” سينتەتيكالىق پسيحوتروپتىق زاتى تابىلىپ، تاركىلەندى. كۇدىكتى ۇستالدى. ودان سالماعى 100 گرامنان اساتىن “سينتەتيكا” تاركىلەندى. ەر ادام ەسىرتكىنى بايلانىسسىز تاسىلمەن وتكىزبەك بولعان. ول ۋاقىتشا ۇستاۋ يزولياتورىنا قامالدى،-دەدى ءىىم ەسىرتكى قىلمىسىنا قارسى ءىس-قيمىل كوميتەتى ءتوراعاسىنىڭ ورىنباسارى قۋاندىق ءالجانوۆ.
پوليسيا جىل باسىنان بەرى 52 ەسىرتكى زەرتحاناسىن جويدى. زاڭسىز اينالىمنان جارتى توننا “سينتەتيكا” تاركىلەندى، بۇل وتكەن جىلمەن سالىستىرعاندا ەكى ەسە كوپ.
"ەستەرىڭىزگە سالا كەتەيىك، 2021 جىلدىڭ قازان ايىنان باستاپ “سينتەتيكا” ەسىرتكىنىڭ اۋىر تۇرىنە تەڭەستىرىلدى. ولاردى ساقتاۋ ءۇشىن قىلمىستىق جاۋاپكەرشىلىك ءبىر گرامنان باستالادى. اتالمىش فاكت بويىنشا كۇدىكتى مۇلكى تاركىلەنىپ، 10 جىلدان 15 جىلعا دەيىن باس بوستاندىعىنان ايىرىلۋى مۇمكىن"، – دەدى سپيكەر.