بەينەجۇيەنىڭ سەرۆەر بلوكتارىنان كابەلدەردى ۇرلادى دەگەن كۇدىكپەن الماتى وبلىسىنىڭ 35 جاستاعى تۇرعىنى ۇستالدى.
تەرگەۋدىڭ وسى كەزەڭىندە كۇدىكتىنىڭ قالانىڭ تومەنگى بولىگىندە تىركەلگەن ءتورت ۇرلىققا قاتىسى بارى انىقتالدى، دەپ حابارلايدى aqshamnews.kz Polisia.kz-كە سىلتەمە جاساپ.
كۇدىكتى كۇندىزگى ۋاقىتتا ۇرلىق جاساپ جۇرگەن. ال ءوتىپ بارا جاتقاندار اراسىندا كۇدىك تۋدىرماس ءۇشىن كۇرتەشە كيىپ، ءبىر سوزبەن ايتقاندا، سەرۆيستىك كومپانيا وكىلىنىڭ اتىن جامىلىپ، ارەكەت ەتكەن جانە ۇرلاعان زاتتاردى مەتالل قابىلداۋ پۋنكتىنە وتكىزگەن. تالداۋ جۇرگىزىلدى، بەينەباقىلاۋ كامەرالارىنىڭ مالىمەتتەرى زەرتتەلدى.
ناتيجەسىندە كۇدىكتى انىقتالىپ، قاماۋعا الىندى. ق ر قك-نىڭ 201-بابىنا سايكەس وزگە اقپارات تەرگەۋ مۇددەسىنە وراي جاريا ەتىلمەيدى. ق ر كونستيتۋسياسىنىڭ 77-بابى 3ء-بولىمى 1-تارماعى، ق ر قك-نىڭ 19-بابى 1-تارماعىنا ساي كەز كەلگەن ازامات سوت شەشىمى زاڭدى كۇشىنە ەنگەنگە دەيىن كىناسىز دەپ سانالادى.