«الماتى-بىشكەك» اۆتوجولىنىڭ 18 شاقىرىمىندا ورنالاسقان جيھاز سەحىندا ءورت شىعىپ، 2 ادام جەڭىل جاراقات الدى، دەپ حابارلايدى aqshamnews.kz.
الماتى وبلىسى تجد مالىمەتىنە سايكەس، بۇگىن 13:19-دا قاسكەلەڭ قالاسىنداعى 101 بايلانىس پۋنكتىنىڭ جەلىسىنە ماتراستار وندىرەتىن جيھاز سەحىنىڭ جانعانى تۋرالى حابارلاما كەلىپ تۇسكەن.
وقيعا ورنىنا الماتى وبلىسى تجد-نىڭ كۇشتەرى مەن قۇرالدارى دەرەۋ جىبەرىلگەن.
وقيعا ورنىنا كەلگەننەن كەيىن جالپى اۋدانى 231 ش.م. ماتراستار شىعاراتىن جيھاز سەحىنىڭ جانىپ جاتقانىانىقتالدى، قابىلدانعان شارالارمەن ءورت 14:07-دە جويىلدى. جالىن سالدارىنان ەكى ادام جەڭىل جاراقات الدى. ءورتتىڭ سەبەبى انىقتالىپ جاتىر، - دەپ حابارلادى وبلىستىق تجد باسپا ءسوز قىزمەتى.
ءورتتى سوندىرۋگە الماتى وبلىسى تجد-نىڭ 27 قىزمەتكەرى مەن 9 بىرلىك تەحنيكا جانە الماتى قالاسى تجد-نىڭ 5 قىزمەتكەرى مەن 1 بىرلىك تەحنيكا جۇمىلدىرىلدى.