قازاقستاندىق بىرنەشە جىل بۇرىن ادام اعزالارىن ساۋدالاعان دەگەن كۇدىككە ىلىنگەن. الايدا كەيىننەن ونىڭ پولشاعا قاشىپ كەتكەنى بەلگىلى بولدى، - دەپ حابارلايدى aqshamnews.kz ءتىلشىسى.
باس پروكۋراتۋرا مەن ينتەرپولدىڭ ۇلتتىق ورتالىق بيۋروسىنىڭ قىزمەتكەرلەرى قازاقستان سىرتقى ىستەر مينيسترلىگىنىڭ كومەگىمەن پولشادان ادام اعزالارىن ساتقانى ءۇشىن ىزدەۋدە جۇرگەن ۋكراينا ازاماتىن ەكستراديسيالادى.
ول 2017-2018 جىلدار ارالىعىندا ترانسۇلتتىق ۇيىمداسقان قىلمىستىق توپتىڭ مۇشەسى بولا وتىرىپ، ادام اعزالارىن زاڭسىز ساتىپ الۋ-ساتۋمەن اينالىسقان دەگەن كۇدىككە ءىلىندى.
ونىڭ ءرولى دونورلار مەن رەسيپيەنتتەر ىزدەۋ جانە ولاردىڭ اراسىنداعى كەزدەسۋلەردى ۇيىمداستىرۋ، ورگانداردى ساتىپ الۋ-ساتۋ مەن ترانسپلانتاسيالاۋ وپەراسيالارىن قۇپيا ۇستاۋ جانە ۇيىمداستىرۋشىلىق قولداۋدى قامتاماسىز ەتۋ بولدى.
جالپى العاندا، قىلمىستىق توپ مۇشەلەرى قازاقستان اۋماعىندا جانە باسقا ەلدەردە ءتىرى ادامداردىڭ ورگاندارىمەن 56 زاڭسىز مامىلە جاساپ، ياعني قازاقستان رەسپۋبليكاسىنىڭ دەنساۋلىق ساقتاۋ ۇيىمدارىندا ساتىپ الۋ-ساتۋ جانە كەيىننەن ترانسپلانتاسيالاۋدى ۇيىمداستىرعان.
"قىلمىس جاساعاننان كەيىن كۇدىكتى قىلمىستىق قۋدالاۋ ورگاندارىنان جاسىرىنىپ، 5 جىل بويى حالىقارالىق ىزدەۋدە بولعان. وسى جىلدىڭ ناۋرىز ايىندا ول پولشا شەكاراسىن كەسىپ وتپەك بولعان كەزدە ۇستالىپ، قازاقستان رەسپۋبليكاسى باس پروكۋراتۋراسىنىڭ سۇراۋى بويىنشا قازاقستانعا ەكستراديسيالاندى. ءقازىر كۇدىكتى ۋاقىتشا ۇستاۋ يزولياتورىنا قامالدى.
ايىپتالعان قىلمىستاردى جاساعانى ءۇشىن مۇلكى تاركىلەنىپ، سەگىز جىلدان ون ەكى جىلعا دەيىنگى مەرزىمگە باس بوستاندىعىنان ايىرۋ جازاسى قاراستىرىلعان.
ايتا كەتەيىك، بۇعان دەيىن بۇل قىلمىستىق ۇيىمنىڭ 2 مۇشەسى تۇركيا مەن رەسەيدەن قايتارىلعان بولاتىن"، – دەلىنگەن باس پروكۋراتۋرانىڭ حابارلاماسىندا.