بۇگىن — ۇلتتىق رۋحىمىزدى اسقاقتاتىپ، كيەلى ونەرىمىزدى ۇلىقتايتىن ۇلتتىق دومبىرا كۇنى!
دومبىرا – حالقىمىزدىڭ جانى، بارلىق ءبىتىم-بولمىسى، عاسىرلار بويى ەلمەن بىرگە جاساسىپ كەلە جاتقان كيەلى مۇراسى.
ونىڭ كۇمبىرلەگەن قوڭىر ءۇنى – ەل بىرلىگىنىڭ، رۋحاني ساباقتاستىقتىڭ نىشانى. بۇگىنگى ۇرپاقتىڭ اتا-بابا مۇراسىن باعالاپ، دومبىرا ءۇنىن اۋەلەتە كوتەرىپ كەلە جاتقانى — قۋانارلىق جايت.
ۇلتتىق دومبىرا كۇنى قۇرمەتىنە الماتى قالاسىنىڭ مۋلتيمەديالىق ءداستۇرلى مۋزىكا ورتالىعىندا الاتاۋ، ناۋرىزباي جانە اۋەزوۆ اۋداندارىنان جينالعان 125 وقۋشى “بالبىراۋىن”، “اداي” كۇيلەرىن ءبىر مەزەتتە ورىندادى.
ونەردى سۇيەتىن جەتكىنشەكتەرگە بەلگىلى ونەر جۇلدىزدارى — داۋلەسكەر كۇيشى، ق ر مادەنيەت قايراتكەرى مۇرات ءابۋعازى مەن مادەنيەت سالاسىنىڭ ۇزدىگى، كۇيشى نۇرلان تۇمەنباي جەتەكشىلىك ەتتى.
ال ءداستۇرلى ءانشى، ق ر ەڭبەك سىڭىرگەن قايراتكەرى ساۋلە جانپەيىسوۆا ءوزىنىڭ “امانات” مەكتەبىندە ءدارىس الىپ جۇرگەن 16 شاكىرتىمەن “دومبىرا” ءانىن بىرگە اۋەلەتتى. ۇستاز ونەردى باعالاي بىلەتىن ورەندەردىڭ بولاشاعىنا ساتتىلىك تىلەدى.