Stantsıya arqyly 14 jolaushylar poıyzy ótedí, dep habarlaıdy aqshamnews.kz tílshísí.
Jetísu oblysynda QHR shekarasy mańynda ornalasqan Dostyq stantsıyasynyń temírjol vokzalyn qaıta jańartu ayaqtaldy. Vokzal 1961 jyly salynǵan. Ortasha táulíktík jolaushylar aǵyny 158 adamdy qūraıdy. Stantsıya arqyly Almaty, Aqtoǵaı, Balqash, Qaraǵandy jáne Astana baǵyttarynda júretín 14 jolaushylar poıyzy ótedí.
Qaıta qūru barysynda vokzal ǵımaraty, shatyr jáne ınjenerlík jelíler jańartyldy. Úı-jaılardyń íshkí jáne syrtqy bezendíríluí júrgízíldí. Perron qaıta jańartylyp, írgeles aumaq abattandyryldy.
Jūmystar Memleket basshysynyń tapsyrmasy boıynsha elímízdíń temírjol vokzaldaryn jańǵyrtu baǵdarlamasy sheńberínde oryndaldy.
Qaıta qūrudan keıín vokzal jolaushylar qauípsízdígí men jaılylyǵyna qoıylatyn zamanauı talaptarǵa saı keledí.