Almaty Qoǵamdyq keńesíníń múshesí Bogdan Djepka erekshe qajettílígí bar adamdar úshín uchaskelerdíń qoljetímdílígín tekserdí, – dep habarlaıdy aqshamnews.kz tílshísí.
Almaty Qoǵamdyq keńesíníń múshesí, erekshe qajettílígí bar adamdar úshín qoljetímdí orta máselesí boıynsha sarapshy Bogdan Djepka jańa Konstıtutsıya jobasy boıynsha ótken referendumǵa qatysty.
Onyń aıtuynsha, erekshe qajettílígí bar azamattardyń qūqyǵyn qorǵaumen kóp jyldan berí aınalysyp kele jatqan qoǵam belsendísí árí qūqyq qorǵaushy retínde referendumǵa qatysu ol úshín erekshe mánge ıe.
«Konstıtutsıya — kez kelgen memlekettíń írgetasy. Dál osy qūjat adam qūqyǵy men bostandyǵynyń júıesín, memlekettík basqaru qaǵıdattaryn jáne memlekettíń azamattar aldyndaǵy jauapkershílígín aıqyndaıdy», — dedí Bogdan Djepka.
Ol áríptesterímen bírge Almatydaǵy bírqatar referendum uchaskesín aralap, olardyń múmkíndígí shekteulí azamattar úshín qanshalyqty qoljetímdí ekenín teksergenín aıtty.
Onyń aıtuynsha, kóptegen uchaskede pandustar, taktıldí navıgatsıya, Braıl qarpímen daıyndalǵan materıaldar, úlkeıtkísh lupalar, sondaı-aq komıssıya músheleríníń kómegí qarastyrylǵan. Būl kóru nemese estu qabíletí būzylǵan azamattarǵa dauys beruge qatysuǵa múmkíndík beredí.
Bogdan Djepka erekshe qajettílígí bar adamdar úshín dauys beruge qatysu tek formaldy qūqyq qana emes, naqty múmkíndík boluy mańyzdy ekenín atap óttí.
Sondaı-aq ol uchaskelerde tynysh árí dostyq atmosfera qalyptasqanyn, qala tūrǵyndary otbasymen bírge kelíp, referendumǵa qatysyp jatqanyn jetkízdí.
Onyń píkírínshe, azamattardyń referendumǵa qatysuy qoǵamnyń el bolashaǵyna degen jauapkershílígín kórsetedí.