Belgílí aqyn, jazushy, jurnalıst, Qazaqstannyń eńbek síńírgen qaıratkerí Sáule Dosjan respublıkalyq referendumǵa qatysty, – dep habarlaıdy aqshamnews.kz tílshísí.
Ol Almaty qalasynyń Áuezov audanynda ornalasqan №584 referendum uchaskesínde dauys berdí.
Jazushynyń aıtuynsha, referendum sekíldí qoǵamdyq-sayası oqıǵalar el bolashaǵyn aıqyndauda erekshe ról atqarady. Sáule Dosjan referendum azamattarǵa ūstanymyn bíldíríp, memleket damuyna úles qosuǵa múmkíndík beretín mańyzdy demokratıyalyq tetík ekenín atap óttí.
«Qoǵamdaǵy árbír mańyzdy sheshím adam ómíríne tíkeleı áser etedí. Sondyqtan osyndaı jauapty sátte ár azamat belsendílík tanytyp, tańdau jasauǵa tıís. Būl eldíń bolashaǵy úshín bárímízge ortaq jauapkershílík», — dedí ol.