2026 jylǵy 1 qańtardan bastap BJZQ-dan tólenetín zeınetaqy tólemderí men tūrǵyn úı/emdeluge arnalǵan bírjolǵy zeınetaqy tólemderí (BZT) jeke tabys salyǵynan (JTS) bosatyldy, dep habarlaıdy Aqshamnews.kz tílshísí.
BJZQ túsíndírmesíne sáıkes, jańa Salyq kodeksí kúshíne engennen keıín JTS endí:
-
BJZQ-dan tólenetín zeınetaqynyń barlyq túrínen;
-
tūrǵyn úı jaǵdaıyn jaqsartuǵa arnalǵan BZT-dan;
-
emdeluge arnalǵan BZT-dan ūstalmaıdy.
Erekshelík: JTS tek Qazaqstan Respublıkasynyń rezıdentí emes tūlǵalarǵa tólenetín zeınetaqy tólemderínen ūstalady.
Būryn (2026 jylǵa deıín) zeınetaqy tólemderí men BZT-ǵa 10% JTS salynatyn: salyq ne bírden ūstaldy, ne keıíngí zeınetaqy tólemderí kezínde keıínge qaldyrylyp óndíríletín. 2026 jylǵy 1 qańtardan bastap:
-
barlyq zeınetaqy tólemderínen JTS ūstau toqtatyldy;
-
BZT tolyqtaı salyqtan bosatyldy;
-
tūrǵyn úı/emdeluge alynǵan BZT boıynsha būryn eseptelgen, bíraq keıínge qaldyrylǵan JTS míndettemelerí joıyldy.
Būl rette, būryn tólengen salyqty jalpy tártíppen qaıtaru qarastyrylmaǵan, tek jekelegen sanattarǵa qatysty
Salyq kodeksíníń 404-babynda kórsetílgen sanattar (I–III top múgedektígí bar adamdar, múgedek bala asyraushylary/qamqorshylary, asyrap alushylar, ūrys qımyldary ardagerlerí jáne t.b.) būryn BZT alǵan kezde JTS tólep qoıǵan bolsa, BJZQ-ǵa ótínísh beríp, qūjattaryn ūsynu arqyly qaıta eseptetíp, salyqty qaıtarta alady. Ótínísh beru merzímí - BZT alǵan kúnnen bastap 3 jyl.
2026 jyldan bastap jeke tūlǵanyń óz paıdasyna audarǵan eríktí zeınetaqy jarnalary boıynsha salyqtyq shegerím alynyp tastaldy. Bíraq jūmys berushí tóleıtín eríktí jarnalarǵa jeńíldík saqtalady: ol qyzmetkerdíń tabysy bolyp eseptelmeıdí jáne JTS salynbaıdy, al jūmys berushí ony KTS eseptegende shegerímge jatqyza alady.