On bír kúdíktí 2 aı merzímge qamauǵa alyndy, al úsheuíne qatysty úıqamaq túríndegí būltartpau sharasy tańdaldy, dep habarlaıdy aqshamnews.kz qarjylyq monıtorıng agenttígíníń málímetíne sílteme jasap.
Adamdarǵa zeınetaqy jınaǵyn zańsyz shyǵaruǵa kómektesken stomatologıyalyq klınıkalardyń basshylary men ózge de adamdarǵa qatysty tergeu júríp jatyr.
Zeınetaqy jınaqtary stomatologıyalyq qyzmetter kórsetu turaly formaldy sharttar jasasu jáne keıínnen jalǵan medıtsınalyq qūjattar ūsynu arqyly shyǵarylǵan.
"Būl kómek úshín kúdíktíler alynǵan qarajattyń 10%-dan 20%-ǵa deıíngí mólsherínde zańsyz syıaqy ūstap otyrǵan. Qylmystyq shemaǵa 42 stomatologıyalyq klınıka tartylǵan. Jalpy somasy 200 mlrd teńgeden astam qarajat shyǵarylǵan", - deıdí agenttíkte.
Qylmystyq jolmen alynǵan tabystarǵa kúdíktíler elıtalyq jyljymaly jáne jyljymaıtyn múlík satyp alyp, sondaı-aq jasyru maqsatynda úshínshí tūlǵalardyń atyna rásímdep, jańa stomatologıyalyq klınıkalar ashqan.
On bír kúdíktí 2 aı merzímge qamauǵa alyndy, al úsheuíne qatysty úıqamaq túríndegí būltartpau sharasy tańdaldy.
Sonymen qatar júıelí túrde zańsyz syıaqy alu úshín medıtsınalyq mekemelerdíń dárígerlerí dárígerlík-konsultatsıyalyq komıssıyalardyń jalǵan qorytyndylaryn bergen. Kúdíktílerden alynǵan qarajattyń jalpy somasy 30 mln teńge.
Būl faktíler boıynsha sotqa deıíngí tergep-tekseruler bastaldy.
Būǵan deıín habarlanǵandaı, óz zeınetaqy audarymdaryn alǵan azamattar qylmystyq qudalau ayasyna túspeıdí.