Qazírgí uaqytta áuejaı ınfraqūrylymy nysandarynyń ǵımarattarynda árleu jūmystary, jabdyqtardy montajdau jáne íske qosu-baptau jūmystary jalǵasuda, dep habarlaıdy aqshamnews.kz tílshísí.
Kólík vıtse-mınıstrí Talǵat Lastaev pen Shyǵys Qazaqstan oblysy ákímíníń orynbasary Baqytjan Bayahmetov salynyp jatqan Zaısan jáne Katonqaraǵaı áuejaılaryna bardy.
Zaısan áuejaıynda ūshu-qonu jolaǵynyń, perronnyń, ruldeu jolynyń, kírme joldardyń jáne negízgí ınjenerlík jelílerdíń qūrylysy, sondaı-aq jaryq-sıgnaldyq jáne radıonavıgatsıyalyq jabdyqtardy ornatu jūmystary ayaqtaldy. Qazírgí uaqytta áuejaı ınfraqūrylymy nysandarynyń ǵımarattarynda árleu jūmystary, jabdyqtardy montajdau jáne íske qosu-baptau jūmystary jalǵasuda.
Jobany íske asyrudyń qorytyndy kezeńderíníń bírí – Qazaqstannyń avıatsıyalyq ákímshílígí júrgízíp jatqan Zaısan aerodromyn sertıfıkattau rásímíníń bastaluy.
Katonqaraǵaı áuejaıynda da ūshu-qonu jolaǵynyń, perronnyń, ruldeu jolynyń jáne blokty-moduldík qazandyqtyń qūrylysy, sondaı-aq respublıkalyq mańyzy bar avtomobıl jolyn kóshíru jūmystary ayaqtaldy.
Qazírgí uaqytta ınjenerlík jelílerdí tartu, tazartu qūrylystaryn salu, áuejaı ınfraqūrylymy nysandarynyń ǵımarattaryn árleu jáne aeronavıgatsıyalyq jabdyqtardy montajdau jūmystary jalǵasuda.