Qazaqstanda 16 myń studentke arnalǵan 11 jańa kolledj salu josparlanyp otyr. Būl tehnıkalyq jáne kásíptík bílím beru ūıymdarynyń jelísín keńeıtíp, jastardyń bílím aluyna qolaıly jaǵdaı jasauǵa múmkíndík beredí, – dep habarlaıdy aqshamnews.kz tílshísí.
Vıtse-mınıstr Jaıyq Sharabasovtyń aıtuynsha, qazír elímízde 763 kolledj jūmys ísteıdí. Bílím beru ınfraqūrylymyn damytudyń būl baǵyty eńbek naryǵynda sūranysqa ıe kásíbı daǵdylardy meńgeruge de jol ashady.
Jataqhanalar jelísíníń keńeyuí
Sonymen qatar kolledj studentteríne arnalǵan jataqhanalar jelísí de keńeıíp keledí. Qazírgí uaqytta elímízde 45,6 myń oryndyq 602 jataqhana bar. 2019 jyldan berí 91 jataqhana paıdalanuǵa berílgen. Sonyń nátıjesínde studentter jataqhanasyndaǵy oryn tapshylyǵy alty eseden astam qysqardy.
Mektepke deıíngí bílím beru
Mektepke deıíngí bílím beru salasynda da ınfraqūrylymdy damytu jūmystary jalǵasyp jatyr. Sońǵy jetí jylda Qazaqstandaǵy mektepke deıíngí ūıymdar jelísí 1 483 mekemege tolyqty. Búgínde elímízde 12 myńnan astam balabaqsha men basqa da mektepke deıíngí ūıym jūmys ísteıdí. Olarǵa 1 mıllıonnan astam bala barady.
Mektepke deıíngí ūıymdar jelísí jańa nysandar salu, qoldanystaǵy mekemelerdí rekonstruktsıyalau jáne olardyń quattylyǵyn arttyru, sondaı-aq shaǵyn ortalyqtar ashu esebínen keńeıíp keledí. Sońǵy úsh jylda osy ūıymdarda 234 myń jańa oryn ashylǵan.