Jańa shtamdardyń paıda bolýyna baılanysty jalǵan qujat jasaýshylarǵa degen suranys arta ma?
Bul suraqqa búgin Almaty qalasy Óńirlik komýnıkasıalar qyzmetiniń alańynda ótken onlaın-suhbat barysynda Almaty qalasy qoǵamdyq densaýlyq basqarmasy basshysynyń orynbasary jaýap berdi, dep habarlaıdy Almaty-akshamy.kz.
«Qalamyzda bolǵan birdi-ekili jaǵdaılardan keıin biz mekemelerdiń birinshi basshylaryn ekpe pýnktterine tekseris júrgizip, monıtorıń jasap otyrýǵa mindettedik. Jemqorlyqqa jol bermeý maqsatynda barlyq medısına mekemesiniń basshysy osy máselege basymen jaýap bersin dep uıǵardyq. Eger mundaı jaǵdaı bola qalsa, mekeme basshysy laýazymdy ornynan ketedi. Bul týraly bizdiń mekeme basshylarynyń bári qulaǵdar boldy», - dedi Laýra Myrzaǵalı.