Boljamǵa sáıkes, 2027–2029 jyldary JÍÓ-níń ortasha jyldyq naqty ósuí 5%-dan joǵary bolady dep kútílude, dep habarlaıdy aqshamnews.kz tílshísí.
Premer-mınıstr Oljas Bektenovtíń tóraǵalyǵymen ótken Úkímet otyrysynda Áleumettík-ekonomıkalyq damu boljamy jáne 2027–2029 jyldarǵa arnalǵan respublıkalyq byudjet jobasy maqūldandy. Negízgí basymdyqtar makroekonomıkalyq tūraqtylyqty saqtau, áleumettík míndettemelerdí oryndau, ekonomıkalyq ósímdí yntalandyru jáne ınfraqūrylymdyq jáne áleumettík nysandardy ozyq qarqynmen salu bolyp aıqyndaldy.
Premer-mınıstrdíń orynbasary – ūlttyq ekonomıka mınıstrí Serík Jūmanǵarın áleumettík-ekonomıkalyq damu boljamy turaly bayandama jasady. Inflyatsıya, tólem balansy jáne Ūlttyq qor máselelerí boıynsha Ūlttyq banktíń tóraǵasy Tımur Súleımenov sóz sóıledí. 2027–2029 jyldarǵa arnalǵan respublıkalyq byudjettíń jobasy turaly qarjy mınıstrí Mádı Takıev bayandady.
Boljamǵa sáıkes, 2027–2029 jyldary JÍÓ-níń ortasha jyldyq naqty ósuí 5%-dan joǵary bolady dep kútílude. Nomınaldy JÍÓ 2027 jyly 199,3 trln teńgeden 2029 jyly 245 trln teńgege deıín ūlǵaımaq.
Oljas Bektenov ekonomıkalyq ósím boıynsha bekítílgen kórsetkíshterge qol jetkízu jáne byudjet qarajatyn tıímdí paıdalanu máselelerí Memleket basshysynyń tūraqty baqylauynda ekenín atap óttí. Qańtar-shílde aılarynda Qazaqstan ekonomıkanyń ósuí 4,1% boldy. Jyl qorytyndysy boıynsha Jalpy íshkí ónímníń kemínde 5% ósímín qamtamasyz etuímíz qajet.
«Ekonomıkalyq ósím boıynsha bekítílgen kórsetkíshterge qol jetkízu jáne byudjet qarajatyn tıímdí paıdalanu máselelerí Memleket basshysynyń tūraqty baqylauynda. Boljamda ekonomıkadaǵy qazírgí jaǵdaı, damudyń syrtqy faktorlary jáne halyqaralyq qarjy ūıymdarynyń álemdík ekonomıkanyń ósuí men syrtqy naryqtardaǵy ahualǵa qatysty baǵalaulary eskerílgen. Respublıkalyq byudjet turaly zań jobasy halyqty áleumettík qamtamasyz etu jáne ekonomıkalyq ósímdí yntalandyru míndetterín sheshu kezínde makroekonomıkalyq tūraqtylyqty saqtau qajettílígín esepke ala otyryp ázírlendí», — dep atap óttí Oljas Bektenov.
Memleket basshysynyń tapsyrmasyna sáıkes, 2027–2029 jyldarǵa arnalǵan byudjettíń negízgí basymdyqtarynyń bírí – ınfraqūrylymdyq jáne áleumettík nysandardy ozyq qarqynmen salu. Būl rette byudjet qarajatyn paıdalanu tıímdílígíne jáne qarjylyq tártípke erekshe nazar audarylatyn bolady
Barlyq memlekettík organdarǵa elímízdíń belgílengen áleumettík-ekonomıkalyq damu kórsetkíshteríne qol jetkízudí qamtamasyz etu, byudjettík baǵdarlamalar ákímshíleríníń míndetí – jūmsalǵan árbír teńgeden túsetín tabysty arttyru, resurstardy memlekettík míndettemelerdí oryndauǵa, ekonomıkany, óńírlerdí jáne adam kapıtalyn damytuǵa baǵyttaı otyryp, qarjylyq tártíptí kúsheıtu tapsyryldy.
Qarjy jáne Ūlttyq ekonomıka mınıstrlíkteríne Úkímet Apparatymen bírlesíp, Qūryltaıǵa zań jobalaryn engízudí qamtamasyz etu tapsyryldy. Úılestíru Premer-mınıstrdíń orynbasary – ūlttyq ekonomıka mınıstrí Serík Jūmanǵarınge júkteldí.