Almaty ákímí Baqytjan Saǵyntaev jūmys sapary barysynda Túrksíb audanynda salynyp jatqan áleumettík nysandardyń, joldardyń qūrylys qarqynynmen, ShOB damuymen jáne qoǵamdyq keńístíkterdí abattandyrumen tanysty.
Seıfullın dańǵyly, 50 mekenjaıynda jeke ınvestıtsıyalarǵa 590 oryndy mektep salynuda. Zamanauı standarttarǵa saı salynyp jatqan jalpy bílím beru mekemesí jańa oqu jylyna daıyn bolady. Jaqyn jerde «Shūǵyla» kınoteatry bar, onyń ıesí megapolıs ákímín aumaqty rekonstruktsıyalau jáne abattandyru jobasymen tanystyrdy. B. Saǵyntaev mūnda audan tūrǵyndary úshín jańa árí tartymdy demalatyn oryn bolatynyna nazar audardy.
Qala ákímí 300 orynǵa arnalǵan №170 mekteptíń jańa korpusynyń qūrylys barysyn tekserdí. Qoldanystaǵy ǵımaratty jóndeu josparlanǵan. Salynyp jatqan jeke jáne qalalyq mektepterdí qosa eseptegende Túrksíb audanynda oqushy ornynyń tapshylyǵy aıtarlyqtaı tómendeıdí. Bíraq, B. Saǵyntaevtyń tapsyrmasy boıynsha halyqtyń ósuín eskere otyryp, jańa bílím beru mekemeleríne jobalar ázírleu qajet.
Qala bıznesmenderí sporttyq ınfraqūrylymdy damytuǵa qatysuda. «Jūldyz-1» shaǵynaudanynda jekpe-jek, kórkem gımnastıka, jattyǵu, trenajer zaldary, toptyq fıtnes aımaqtary, 25 metrlík basseıní bar kópfunktsıonaldy sport keshení salynuda. B. Saǵyntaev keshendí keńeıtu josparlarymen tanysty jáne shetkí shaǵyn audandarda osyndaı yqsham deneshynyqtyru-sauyqtyru ortalyqtaryn salu qajettílígíne nazar audardy.
«Jūldyz» jańa demalys ortalyǵyn aralap kórgen soń qala ákímí osyndaı jobany barlyq audandarda júzege asyrudy tapsyrdy. Mūnda jūmys sporttyq, mádenı-aǵartudy damytu baǵyttarynda júrude. 100-ge juyq bala ústel tennısí, shahmat jáne doıby, toǵyz qūmalaq, beıneleu ónerí, kúres, bı jáne muzyka úıírmeleríne qatysuda.
Audan ákímderíníń aldyna qoıylǵan basty míndetterdíń bírí ShOB damytu jáne jūmys oryndaryn qūru bolyp tabylady. B. Saǵyntaev «Inter multı servıs» gofrokarton zauytynda boldy. Mūnda karton shyǵaratyn jańa jelíní tolyq íske qosuǵa daıyndyq júríp jatyr. Óndírís quaty boıynsha jylyna shamamen 2,3 myń tonna óním shyǵarylady. Zauytta 140 adam jūmys ísteıdí, jańa óndírístík jelí íske qosylǵannan keıín 30 jańa jūmys orny ashylady.
Almaty ákímí B. Saǵyntaevty VIVA Pharm farmatsevtıkalyq zauytynda óndírístík tsıklmen jáne shyǵarylatyn dárí-dármekterdíń assortımentímen tanystyrdy. Zauytta 157 jūmys orny qūrylǵan. Ótken jyldyń qorytyndysy boıynsha óndírís kólemí 48 atauly 2 mıllıonǵa juyq qaptalǵan dáríler preparattaryn óndírdí. Ózbekstan men Qyrǵyzstanǵa ónímdí eksporttau jolǵa qoıylǵan, endí reseılík naryqqa shyǵu josparlanuda. «Alatau» ITP AEA aumaǵynda dárí-dármek shyǵaratyn jańa zauyt salu jóníndegí ınvestıtsıyalyq jobany íske asyru josparlanuda.
B. Saǵyntaev «Qaırat» shaǵyn audanyndaǵy jol qūrylysynyń sapasy men qarqynyn tekserdí. Shaǵyn audannyń 78 kóshesínde sumen jabdyqtau jáne su būrudyń ınjenerlík jelílerí tartylǵan. Kóshelerdí daıyndau jáne asfalttau jūmystary júrude.
Megapolıs ákímí audannyń qoǵamdyq keńístíkterín abattandyru jobalarymen de tanysty. №32 mekteptíń artynda «Byudjetke qatysu» jobasy ayasynda balalar jáne futbol alańdaryn, streetball, workout alańdaryn saluǵa daıyndyq bastaldy. Mūnda syrtqy jaryq ornatylyp, qoqys jáshíkterí, oryndyqtartar qoıylady. Aumaq kógaldandyrylady.
Sondaı-aq, «Byudjetke qatysu» boıynsha Aısha Bıbí, 357 kóshesíníń boıyndaǵy qarausyz jatqan jerde sport alańynyń qūrylysy bastaldy. Mūnda múmkíndíkterí shekteulí balalarǵa arnalǵan oıyn alańy, júgíru joly, futbol, vorkaut alańy jasalady. Aumaq kógaldandyrylady árí abattandyrylady.
"Altaı-1" shaǵynaudanynda bírneshe aulany bíríktíretín aralyq jayau júrgínshíler aımaǵynyń qūrylysy bastalady. Jobada qalalyqtardyń demalatyn oryndary, balalardyń oıyn keshenderí men sport alańdary, syrtqy jaryq jelílerín ornatu, trotuar joldary jáne aumaqty kógaldandyru kórínís tapqan.