Qazaqstanda ótken respublıkalyq referendum halyqaralyq baqylaushylardyń nazarynda boldy, – dep habarlaıdy aqshamnews.kz tílshísí.
Túrkıya Joǵary saılau keńesíníń tóraǵasy Ahmet Iener Qazaqstandaǵy dauys beru protsesíne oń baǵa beríp, saılau halyqaralyq standarttarǵa saı ótkenín atap óttí.
Ahmet Ienerdíń aıtuynsha, Qazaqstan halqynyń referendumǵa joǵary belsendílíkpen qatysuy demokratıyalyq úderístíń damyp kele jatqanyn kórsetedí. Onyń málímetínshe, jarıyalanǵan aldyn ala nátıjeler boıynsha halyqtyń 73,12 paıyzy referendumǵa qatysyp, ūsynylǵan ózgerísterdí qoldaǵan.
«Qazaqstan halqynyń saılau uchaskeleríne belsendí kelíp, óz qūqyqtaryn paıdalanyp dauys beruí demokratıya tūrǵysynan óte quanyshty jaǵdaı», – dedí ol.
Baqylaushylar saılau uchaskeleríndegí jūmys barysyn da oń baǵalady. Olardyń aıtuynsha, uchaske qyzmetkerlerí kásíbı deńgeıde jūmys ístep, barlyq sūraqtarǵa tolyq jauap bergen. Būl óz kezegínde saılau komıssıyasynyń aldyn ala júrgízgen daıyndyq jūmystarynyń sapasyn kórsetedí.
Sonymen qatar, halyqaralyq baqylaushylar erekshe atap ótken jańashyldyqtyń bírí – múmkíndígí shekteulí azamattarǵa arnalǵan aqparattyq júıeler. Kompyuterlík formatta ūsynylǵan túsíndírme materıaldar saılau protsesín barynsha qoljetímdí etken.
«Būl tájírıbe bíz úshín óte qyzyqty árí paıdaly boldy. Bolashaqta basqa elderdegí saılau protsesterínde de qoldanuǵa bolatyn tájírıbe dep sanaımyz», – dedí Ahmet Iener.
Jalpy alǵanda, halyqaralyq baqylaushylar Qazaqstandaǵy referendum ashyq, ádíl jáne qauípsíz jaǵdaıda ótkenín atap óttí. Olar azamattardyń dauys beru qūqyǵyna úlken mán berílgenín jáne barlyq ūıymdastyru sharalary halyqaralyq standarttarǵa saı júzege asyrylǵanyn jetkízdí.