Túrkístan oblysynyń Shardara audanynda «Qazkrahmal» JShS júgeríní tereń óńdeu zauyty jūmysyn bastady. Jańa kásíporynnyń óndírístík quaty jylyna 150 myń tonna shıkízat. 500 jūmys orny qūrylǵan.
Zauyt ís júzínde qaldyqsyz óndírístí qamtamasyz etetín zamanauı qūraldarmen jabdyqtalǵan: júgeríní óńdeu tereńdígí 98%-ǵa jetedí.
Bírínshí kezeńde kásíporyn modıfıkatsıyalanǵan krahmal, glyuten, syǵyndy, tsellyuloza jáne basqa da óním túrlerín shyǵarady. Tolyq quatqa shyqqan kezde assortıment 28 atauǵa deıín keńeıedí, onyń íshínde tereńírek qaıta óńdelgen ónímder – maltodekstrın, melassa, sıroptar jáne onymen baılanysty salalarda sūranysqa ıe basqa da ónímder.
Kásíporyndy shıkízatpen qamtamasyz etu úshín Túrkístan oblysynda júgerí egís alqaptary kezeń-kezeńímen ūlǵaıtylyp, tamshylatyp suaru júıelerí engízílude. Būl ásírese su resurstary shekteulí aımaqqa qatysty. Sonymen qatar júgerí kúríshpen salystyrǵanda sudy az qajet etetín daqyl.
Premer-mınıstrdíń orynbasary – ūlttyq ekonomıka mınıstrí Serík Jūmanǵarın atap ótkendeı, Qazaqstan – astyqtyń dástúrlí írí óndírushísí jáne eksporttaushysy. Sońǵy úsh jylda dándí daqyldyń jyldyq ónímí 24 mln tonnadan asady. Mūndaı kólem íshkí qajettílíktí qamtamasyz etuge jáne eksporttyq pozıtsıyalardy saqtauǵa ǵana emes, sonymen qatar el íshínde astyq óńdeudí arttyruǵa múmkíndík beredí.

«Bízdíń míndetímíz – astyqty shıkízat retínde eksporttaumen shektelíp qana qoımaı, qosylǵan qūny joǵary óním óndírudí damytu. Búgínde Qazaqstanda jalpy quattylyǵy jylyna 510 myń tonna astyqty tereń óńdeıtín úsh kásíporyn jūmys ísteıdí. Bıyl Jambyl oblysynda quattylyǵy jylyna 500 myń tonna júgeríní óńdeıtín Fufeng Group kesheníníń bírínshí kezegí íske qosyldy. Būdan basqa, tórt írí ınvestıtsıyalyq joba pysyqtaluda jáne íske asyryluda – ekeuí Aqmola oblysynda jáne bírí Qostanaı, bírí Astanada. Jańa óndírístík quattar el íshínde astyq shıkízatyn jylyna 5,8 mln tonnaǵa deıín tereń óńdeudí qamtamasyz etedí. Būl qosylǵan qūny joǵary óním shyǵarudy keńeıtuge jáne qaıta óńdelgen auyl sharuashylyǵy ónímíníń eksportyn ūlǵaıtuǵa múmkíndík beredí», — dep atap óttí Serík Jūmanǵarın.






